رُشدقرأت نمبر 2

۳۔ أبوعبد اللّٰہ محمد بن أبی یوسف بن سعادۃ رحمہ اللہ ۴۔ الشیخ أبو محمد عاشر بن محمد رحمہ اللہ ۵۔ أبو محمد عبد اللّٰہ بن أبی جعفر المرسی رحمہ اللہ ۶۔ أبوالعباس بن طرازمیل رحمہ اللہ ۷۔ أبو الحسن علیم بن ہانی العمری رحمہ اللہ ۸۔ أبوعبد اللّٰہ محمد بن حمید رحمہ اللہ ۹۔ أبوعبد اللّٰہ محمد بن عبد الرحیم رحمہ اللہ ۱۰۔ أبو الحسن بن النعمۃ رحمہ اللہ ۱۱۔ أبوالقاسم حبیش رحمہ اللہ ۱۲۔ أبوطاہر سلفی رحمہ اللہ [تشریح المعانی:ص۷] قصیدہ شاطبیہ ’’حرز الأمانی ووجہ التہانی‘‘ المعروف ’شاطبیۃ‘ قراءات سبعہ میں اہم ترین اور اَساسی کتاب تسلیم کی گئی ہے۔ امام شاطبی رحمہ اللہ کے دور سے لے کر آج تک اس کی اہمیت میں ذرہ برابر بھی کمی نہیں آئی۔شاطبیہ اصل میں قراءات پر مشتمل ایک بحر بے بہا کا نام ہے جس کو امام شاطبی رحمہ اللہ نے انتہائی جانفشانی کے ساتھ ترتیب دیا۔ یہ کتاب درحقیقت امام دانی رحمہ اللہ کی فن قراءات پر مشتمل کتاب ’التیسیر‘ کی منظوم شکل ہے۔ علامہ شاطبی رحمہ اللہ نے اپنی کتاب میں ’التیسیر‘ کو منظوم انداز میں بیان کرنے کے ساتھ ساتھ ایسے دقیق فوائد اور علمی معروضات کا اِضافہ کر دیا ہے جن سے علم قراءات کا کوئی بھی طالب صرف نظر نہیں کر سکتا۔ اس قصیدے کی تالیف کی تاریخ ابتدا اور تاریخ انتہاء کا علم تو نہیں ہو سکا البتہ بعض مصادر اشارہ کرتے ہیں کہ اس مبارک کام کی ابتدا اُندلس سے ہوئی۔ وہ کونسی ایسی وجہ تھی جس نے امام صاحب رحمہ اللہ کو اس کام کی ابتدا پر آمادہ کیا اس کی وضاحت کرتے ہوئے خود امام شاطبی رحمہ اللہ فرماتے ہیں : ’’بأنہ عملہـا رغبۃ فی ثواب اللّٰہ الکریم وحرصا علی إحیاء العلم الذی تضمنہ کتاب ’التیسیر‘ ‘‘ [تحقیق فتح الوصید:۱/۱۲۶،۱۲۷] ’’اللہ تعالیٰ سے ثواب کی امید اور کتاب التیسیر میں بیان کردہ علم کے احیاء کی حرص نے ان کو اس کام پر آمادہ کیا۔‘‘ ایک جگہ فرماتے ہیں : ’’لا یقرأ أحد قصیدتی ہذہ إلا وینفعہ اللّٰہ ، لأننی نظمتہا اللّٰہ ‘‘[سیر أعلام النبلاء:۲۱/۲۶۳] ’’جو شخص بھی میرے اس قصیدے کو پڑھے گا اللہ تعالیٰ اس کو فائدہ دے گا کیونکہ میں نے اسے خالصاً اللہ کیلئے لکھا ہے۔‘‘ جب آپ اس قصیدہ کی تصنیف سے فارغ ہوئے تو اس کو ساتھ لے کر بیت اللہ کے گرد بارہ ہزار طواف کئے اور جب دعا کے مقامات پر پہنچتے تو یہ دعا پڑھتے: ’’اللہم فاطر السموات والأرض عالم الغیب والشہادۃ رب ہذا البیت العظیم انفع بہا کل من قرأہا‘‘ [تشریح المعانی:ص۱۰] ’’اے اللہ! اے زمین وآسمان کی تخلیق کرنے والے غیب اور حاضرکے جاننے والے ، اس عظیم المرتبت گھر(بیت اللہ ) کے پروردگار! ہر پڑھنے والے کو اس سے نفع پہنچا۔‘‘ شاطبیہ کی قبولیت کا ایک اہم سبب یہ بھی ہے کہ ناظم کے بقول آپ کو نبی کریم صلی اللہ علیہ وسلم کی زیارت ہوئی تو سامنے