رُشدقرأت نمبر 2

٭ جعبری رحمہ اللہ نے کنزالمعانی میں آپ کو ان الفاظ میں خراج عقیدت پیش کیا ہے: إمام فرید بارع متورع صبور طہور ذی عفاف مؤید زکا علمہ فاختارہ الناس قدوۃ فکم عالم من درہ متقلد ہنیا ولی اللّٰہ بالخلد ثاوی بعیش رغید فی ظلال مؤید علیک سلام اللّٰہ حیا ومیت وحییت بالإکرام یا خیر مرشد ’’آپ(لوگوں میں سے) نمایاں ،منفرد، متقی،صابر، پاکباز اور عزت والے ہیں ۔لوگوں نے آپ کی ذہانت کو دیکھتے ہوئے آپ کو علم میں اپنااسوہ(آئیڈیل) بنایا۔ کتنے ہی ایسے عالم ہیں جو آپ کے بلند مرتبے کا اعتراف کرتے ہوئے آپ کی اتباع کرنے والے ہیں ۔اللہ کے ولی کے لیے خوشخبری ہے جوہمیشہ عمدہ زندگی میں رہنے والاہے، اورایسے سایوں تلے جن کی مدد کی گئی ہے۔تجھ پرزندہ اور مردہ حالت میں اللہ کی سلامتی ہو، اے بہترین راہنمائی کرنے والے تو نے باعزت طریقے کے ساتھ زندگی گزاری ۔‘‘[کنز المعانی:۱/۷۵] ٭ ابن خلکان رحمہ اللہ فرماتے ہیں : ’’کان إذا قریٔ علیہ صحیح البخاری ومسلم والمؤطا یصحح النسخ من حفظہ‘‘ [معرفۃ القراء الکبار:۳/۱۱۱۴) جب آپ پر صحیح بخاری ومسلم اور مؤطا امام مالک کی قراءت کی جاتی تو آپ حافظے سے ان کے نسخوں کی تصحیح کرواتے۔‘‘ امام صاحب رحمہ اللہ کی کرامات میں سے ایک یہ بھی ہے کہ آپ کے پاس بیٹھنے والا بغیرکسی مؤذن کی موجودگی کے اذان کی آواز سن لیتا تھا۔ [معرفۃ القراء الکبار:۳/۱۱۱۴] امام شاطبی رحمہ اللہ چونکہ درس شروع کرتے وقت ہمیشہ ’’من جاء أولا فلیقرأ‘‘پر عمل کرتے اس لیے طلباء جانفشانی سے سب سے پہلے پہنچنے کوشش کرتے۔ لیکن ایک دن اتفاق ایسا ہوا کہ جب آپ مسند تدریس پر بیٹھے آپ نے فرمایا:’’من جاء ثانیا فلیقرأ‘‘ پس دوسرے نمبرپر آنے والے نے پڑھنا شروع کردیا۔ پہلے آنے والا شخص اس أمر پر شدید حیران وپریشان ہوا کہ مجھ سے ایسی کون سی خطا سرزد ہوگئی ہے جو شیخ صاحب کی طبیعت پر گراں گزری ہے۔ اسی گومگو کی کیفیت میں اسے یاد آیا کہ وہ تورات کو جنبی ہوگیا تھا، لیکن علم کی طلب اور حرص میں اسے غسل کرنا یاد نہیں رہا تھا۔ چنانچہ وہ اسی وقت بھاگم بھاگ مدرسہ کے غسل خانہ میں گیا اور غسل کر کے دوسرے کے قراءت ختم کرنے سے قبل لوٹ آیا۔ پھر امام صاحب نے فرمایا:’’من جاء أولاً فلیقرأ‘‘ تو اس نے پڑھنا شروع کیا۔ [تشریح المعانی:ص۸] اس واقعہ سے بڑی آسانی سے اندازہ کیا جا سکتا ہے کہ بینائی سے محروم ہونے کے باوجود آپ سے ایسی کرامات ظاہر ہوتیں جن کا صدور کسی عام انسان سے ممکن نہیں ہے۔ اَساتذہ امام شاطبی رحمہ اللہ ۱۔ أبوعبد اللّٰہ محمد بن أبی العاص النفزی الشاطبی رحمہ اللہ ۲۔ إمام ابن ہذیل رحمہ اللہ