رُشدقرأت نمبر 2

کے ذرائع موجود ہیں ۔ تواتر طبقہ: اس قسم کا تواتر آئمہ عشرہ سے قبل تو تمام قراءات کے حا صل رہا، البتہ عصر حاضر میں یہ تواتر صرف متداول چار قراءات اور روایات کو حاصل ہے۔ نیز تواترکی یہ قسم صرف قرآن مجید کے ساتھ خاص ہے۔ تواتر اسنادی قرآن مجید کے ثبوت میں اسنادی تواتر موجود ہے البتہ ائمہ عشرہ تک ہے۔ اگرچہ اس سے آگے تواتر اسنادی وتواتر عددی موجود نہیں ۔ کیونکہ ائمہ عشرہ سے قبل اختلاط و روایات کا دور دورہ تھا۔ تلقی بالقبول اس اعتبار سے قرآن قطعی الثبوت طریقہ سے ثابت ہے جسے بعض لوگ تواتر سے تعبیر کرتے ہیں ۔ قراءات عشرہ متواترہ کو جمیع فنون کے ماہرین نے ہر دور میں بالاتفاق قبولیت سے نوازاہے ۔پور ی دنیا، جمیع مدارس اور جمیع اہل علم جو قرآن یا قراءات قرآنیہ کونقل کرنے والے ہیں وہ تمام اس بات پرمتفق ہیں کہ مروجہ قراءات عشرہ قرآن ہیں ۔ الخبر الواحد المحتف بالقرائن المفید للعلم القطعی چوتھی بات جوہم بیان کرنا چاہتے ہیں وہ یہ ہے کہ اگر ایک قراءت صحت سند سے ثابت ہو اور اس میں رسم عثمانی کی موافقت اور لغات عرب کے مطابق شروط بھی پائی جائیں تو ایسی روایت خبر واحدۃ مقرون بالقرائن کے قبیل سے ہو کر علم قطعی کا فائدہ دے گی۔ تواتر الإشتراک تواتر اسنادی کا تصور چونکہ آئمہ محدثین کے ہاں صرف خیالی تصور ہے جس کی مثال محدثین کے بقول عملاً موجود نہیں او رتصور تواتر بقول حافظ ابن صلاح رحمہ اللہ بعض متاخر اصولیوں کی طرف سے پیش کردہ ہے جسے صرف خطیب بغدادی رحمہ اللہ نے اصولیوں سے متاثر ہو کر فن حدیث میں پیش کر دیا۔ [التقیید الایضاح،ص۲۲۵،۲۲۶] چنانچہ علم مصطلح الحدیث میں تواتر کے جس تصور سے محدثین مانوس ہیں وہ تواتر الاشتراک ہی ہے۔ تواتر کے اس تصور کی رو سے جمیع قراءات قرآنیہ حتمی طور پر متواترہ ثابت ہیں۔ ہذا ماعندی واللّٰہ أعلم بالصواب ٭٭٭