رُشدقرأت نمبر 2

’’ آپ صلی اللہ علیہ وسلم نے مصحف کے ساتھ دشمن کے خطہ میں سفرکرنے سے منع فرمایا ہے تاکہ وہ دشمن اس کی بے حرمتی نہ کریں ۔‘‘ مصاحف کا کسی نہ کسی شکل میں وجود تھا توآپ کی نہی کا تحقق ہوسکتاہے ،خواہ وہ باریک پتھروں پر تھا، اونٹ کی بڑی ہڈیوں پر تھایاکسی بھی شکل میں تھا۔جیساکہ روایات میں آتاہے کہ کاتبین وحی جن میں ابوبکرصدیق ،عمر فاروق ، عثمان ،علی ،ابان بن سعید،خالد بن الولید ،معاویہ بن ابی سفیان ،زید بن ثابت ،ابی بن کعب رضی اللہ عنہم کوجو چیز میسر آتی اس پر لکھ لیتے تھے،مثلاً کھجور کے پتے اور چمڑے کے ٹکڑے وغیرہ ۔ حضرت عبداللہ بن عباس رضی اللہ عنہ کی صریح روایت ہے کہ ’’کان رسو ل اللّٰہ صلی اللّٰہ علیہ وسلم إذا أنزلت علیہ سورۃ دعا بعض من یکتب فقال ضعوا ہذہ السورۃ فی الموضع الذی یذکر فیہ کذا وکذا ‘‘ ’’جب کوئی سورت نازل ہوتی توکاتبین میں سے کسی کوبلا کر حکم دیتے کہ اس کو فلاں جگہ پر لکھو ۔‘‘ اور زید بن ثابت رضی اللہ عنہ فرماتے ہیں کنا عند رسو ل اللّٰہ صلی اللّٰہ علیہ وسلم نؤلف القرآن من الرقاع ’’ کہ ہم قرآن کوچمڑے کے ٹکڑوں پر لکھتے تھے۔‘‘ اور صحیح مسلم کی حدیث نمبر ۳۰۰۴ ہے ((لاتکتبوا عنی غیرالقرآن ومن کتب غیر القرآن فلیمحہ)) ’’ یعنی قرآن کے علاوہ کچھ نہ لکھو جس نے لکھاہے وہ مٹا دے۔‘‘( تاکہ قرآن اور سنت ملتبس نہ ہو جائے،اگرچہ التباس کے رفع ہونے کے بعد اجازت دے دی تھی ) الغرض قرآن کریم آپ صلی اللہ علیہ وسلم کے زمانے میں مکمل لکھا جاچکاتھا اوراس کی کتابت سبعہ احرف کے ساتھ تھی جیساکہ ابوشہبہ رحمہ اللہ نے المدخل کے ص ۲۶۸ پر نقل کیاہے۔ دورِ نبوی صلی اللہ علیہ وسلم کے بعد پھر صدیقی دور میں قرآن مجید کو جمع کیا گیا جیساکہ زید بن ثابت رضی اللہ عنہ سے ابن خزیمہ رحمہ اللہ کی لمبی روایت ہے جس میں یہ حروف ہیں وإنی أرای أن تاب جمع القرآن کہ حضرت عمر رضی اللہ عنہ نے حضرت ابوبکرصدیق رضی اللہ عنہ کو مشورہ دیا کہ قرآن کو جمع کرنے کا حکم دیجیے توپھر ان کے حکم سے زید بن ثابت رضی اللہ عنہ نے اس کام کومکمل کیا ۔ اور تاریخ بغداد جلد نمبر ۱۱ ص ۱۲۴ پر عبد خیر رحمہ اللہ روایت کرتے ہیں کہ ’’سمعت علیا بقول أعظم الناس أجرا فی المصاحف أبوبکر ورحمۃ اللّٰہ علی أبی بکر ہوأوّل من جمع اللوحتین‘‘ ’’ سب سے زیادہ اجر توابوبکر رضی اللہ عنہ کاہے ،ان پر اللہ کی رحمت ہو جنہوں نے سب سے پہلے قرآن کوجمع کیا ۔‘‘ اس اثرکو ابوعبید رحمہ اللہ نے فضائل القرآن کے ص ۲۱۳ ،۲۱۷ پر اور ابوداؤد رحمہ اللہ نے کتاب المصاحف ص ۱۱ پر علامہ دانی رحمہ اللہ نے المقنع ص ۱۳ پر اور علامہ ابن کثیر رحمہ اللہ نے فضائل القرآن ص ۱۶ پر صحیح کہا ہے اور فتح الباری مجلد نمبر ۹ ص ۱۲ پر ابن حجر رحمہ اللہ نے اس کی سند کو حسن قرار دیا ہے ۔ دورِنبوی کی طرح دورِ صدیقی میں بھی قرآن کی کتابت سبعہ حروف کوشامل تھی جیساکہ محمد بن جریر الطبری رحمہ اللہ سے الاعلام جلد نمبر ۶ ص ۶۹ پر اور ابن عبدالبر رحمہ اللہ سے الاعلام جلد نمبر ۸ ص ۲۴۰ اور ابوالعباس