رُشدقرأت نمبر 2

مولانا محمد اَصغر ٭ معزز مفتیان کے تفصیلی فتاویٰ جات [۱] الحمد اللّٰہ رب العالمین والصلاۃ والسَّلام علی سید الأنبیاء والمرسلین وعلی آلہ وأصحابہ أجمعین أما بعد: اللہ تعالیٰ نے اپنے بندوں کی ہدایت ورہنمائی کے لئے اپنے آخری رسول صلی اللہ علیہ وسلم پراپنا صحیفہ ہدایت قرآن مجید کی شکل میں اتاراہے اوروہ لفظ ومعنی دونوں اعتبارسے تیسیروسہولت سے مزین وآراستہ ہے اوریہ تیسیر وآسانی قیامت تک کے لوگوں کے لئے ہے اس عملی سہولت وآسانی کی طرف اشارہ کرتے ہوئے ایک طرف فرمایا ﴿طٰہٰ مَا أنْزَلْنَا عَلَیکَ القُرْآنَ لِتَشْقٰی إلاَّتَذْکِرَۃً لِمَنْ یَخْشٰی ﴾ ’’ ہم نے آپ پر قرآن اس لیے نہیں اتارا کہ آپ پر بھاری ہوجائے۔ یہ تو ڈرنے والے کے لیے نصیحت ہے۔‘‘ دوسر ی طرف فرمایا:﴿وَلَقَدْ یَسَّرْنَاالقُرآنَ لِلْذِّکْرِفَہَلْ مِنْ مُدَّکِر ﴾ [القمر: ۲۲] ’’ہم نے قرآن مجید(پڑھنا اور سمجھنا)سمجھنے اوریاددہانی کے لئے آسان کردیا ہے کوئی ہے یاددہانی حاصل کرنے والا!۔‘‘ اوراس کے پڑھنے اورسہولت کے ساتھ ساتھ سمجھنے کے لئے فرمایا : ﴿فَإِنَّمَا یَسَّرْنٰہُ بِلِسَانِکَ لِتُبَشِّرَ بِہِ المُتَّقِینَ وَتُنْذِرَ بِہٖ قَومًا لُدَّا﴾ [مریم :۹۷] ’’سوہم نے اسے تیری زبان کے ذریعہ آسان کردیاہے تاکہ آپ اس کے ذریعے حدود الٰہی کی پابندی کرنے والوں کوبشارت دیں اورجھگڑالو لوگوں کو آگاہ کردیں۔‘‘ جس طرح عملی تیسیر وآسانی کے لئے آپ نے اپنے قول وفعل سے قرآن کی توضیح وتشریح فرمائی ہے اسی طرح پڑھنے میں سہولت وآسانی کے لئے سبعہ احرف میں پڑھنے کی اجازت فرمائی ہے ۔ صحیح مسلم میں روایت ہے کہ ’’أتاہ جبرائیل علیہ السلام فقال إن اللّٰہ یأمرک أن تقریٔ أمتک القرآن علی حرف فقال اسئل اللّٰہ معافاتہ ومغفرتہ وإن أمتی لا تطیق ذلک ثم أتاہ الثانیۃ فقال إن اللّٰہ یأمرک أن تقریٔ أمتک القرآن علی حرفین فقال اسئل اللّٰہ معافاتہ ومغفرتہ وإن أمتی لاتطیق ذلک ثم جاء ہ الثالثۃ فقال إن اللّٰہ یأمرک أن تقریٔ أمتک القرآن علی ثلاثۃ أحرف فقال اسئل اللّٰہ معافاتہ ومغفرتہ وإن أمتی لا تطیق ذلک ثم جاء ہ الرابعۃ فقال إن اللّٰہ یأمرک أن تقریٔ أمتک القرآن علی سبعۃ أحرف فأیما حرف قرء وا علیہ فقد أصابوا‘‘ [صحیح مسلم :۸۲۱] صحیح بخاری میں روایت ہے کہ نبی اکرم صلی اللہ علیہ وسلم نے فرمایا: ((إن ہذا القرآن أنزل علی سبعۃ أحرف فاقرء وا ما تیسر منہ )) [صحیح البخاري:۴۹۹۲] یہ تمام

[1] فاضل کلیۃ الشریعہ جامعہ لاہور الاسلامیہ ورکن مجلس التحقیق الاسلامی ،لاہور