روزہ حقیقت و ثمرات

کو کھانا کھلانے ) کا مہینہ آگیا، امام مالک رحمہ اللہ پورا سال تدریسِ حدیث میں مشغول رہتے لیکن جب رمضان کا مہینہ شروع ہوجاتا تو حدیث کے دفاتر سمیٹ کر مصحف سے ہر وقت تلاوت کرتے رہتے، سفیان ثوری رمضان کے مہینہ میں دیگر عبادات کو چھوڑ کر قرآنِ حکیم کی تلاوت پر پوری توجہ صرف کردیا کرتے،عائشہ صدیقہ رضی اللہ عنھا رمضان کے مہینہ میں فجر کی نماز کے بعد طلوعِ آفتاب تک تلاوت کیا کرتی تھیں ۔ واضح ہوکہ اگر چہ تین دن سے کم میں قرآن ختم کرنے کی ممانعت وارد ہوئی ہے،لیکن چونکہ رمضان المبارک میں تلاوتِ قرآن کا خصوصی اجر ہے،لہذا ایک شخص اگر کثرت سے تلاوت کرتا رہے حتی کہ تین دن سے قبل اس کا قرآنِ حکیم ختم ہوگیا تو اس میں کوئی مضائقہ نہیں،بلکہ یہ اہتمام اس کیلئے موجب ِاجر ہوگا ،کیونکہ رمضان المبارک میں کثرتِ تلاوتِ قرآنِ حکیم ایک ا مرِ مطلوب ومرغوب ہے ۔ ر مضان ا ور صد قہ و سخا و ت رمضان المبارک صدقہ اور سخاوت کا مہینہ ہے ، عن ابن عباس رضی اللہ عنھما،قال:[کان النبی صلی اللہ علیہ وسلم أجود الناس، وکان أجود مایکون فی رمضان حین یلقاہ جبریل فیدارسہ القرآن، وکان جبریل یلقاہ فی کل لیلۃ من رمضان فیدارسہ القرآن،فلرسول اللہ صلی اللہ علیہ وسلم حین یلقاہ جبریل أجود بالخیر من الریح المرسلۃ]