روزہ حقیقت و ثمرات

روزہ دار کو دوسری خوشی اس وقت لاحق ہوگی جب وہ اپنے پروردگار سے ملاقات کرے گا،مرنے کے بعد انسان سب سے زیادہ مدد اور سہارے کا محتاج ہوتا ہے،روزہ کا اجر چونکہ محفوظ رہتا ہے حتی کہ اصحابِ حقوق بھی وہ اجر نہیں لے سکتے،اور وہ اجر بھی بے حد وحساب ہے تو یہ چیز یقینا اسے خوش کردے گی، اللہ تعالیٰ کا فرمان ہے:{وَمَا تُقَدِّ مُوْا لِأَنْفُسِکُمْ مِنْ خَیْرٍ تَجِدُوْہُ عِنْدَ اللہ ھُوَ خَیْرًا وَّأَعْظَمَ اَجْرًا} ترجمہ:(اور جو نیکی تم اپنے لئے آگے بھیجو گے اسے اللہ تعالیٰ کے ہاںبہتر سے بہتر اور ثواب میں بہت زیادہ پاؤگے )(المزمل:۲۰) جب اللہ تعالیٰ فرمائے گا :{کُلُوْا وَاشْرَبُوْا ھَنِیْئًا بِمَا أَسْلَفْتُمْ فِی الْاَیَّامِ الْخَالِیَۃِ} (الحاقۃ:۲۴) ترجمہ:( مزے سے کھاؤ،پیواپنے ان اعمال کے بدلے جو تم نے گزشتہ زمانے میں کیئے)امام مجاہد کا قول ہے:’’یہ آیت روزہ داروں کے بارہ میں اتری ہے‘‘ امام وکیع فرماتے ہیں : ’’ایام خالیۃ‘‘ سے مراد ،ایامِ صوم ہیں۔‘‘ ابو نصربشر بن الحارث جن کا کبار صالحین میں شمار ہوتا تھا،اور جن کے زھد وورع کے بہت سے واقعات مشہور ہیں ،کثرت سے روزے رکھا کرتے تھے،جس رات فوت ہوئے کسی نے خواب دیکھا کہ ان کے آگے ایک بہترین دستر خوان بچھا ہے اور وہ کھانا تناول فرمارہے ہیں،اور ایک فرشتہ مسلسل کہہ رہا ہے :’’اے وہ شخص !جودنیا میں کھاتاپیتا نہیں تھا (اشارہ روزوںکی طرف ہے)خوب کھاؤ اور پیو ‘‘(صفۃ الصفوۃ