رسالہ نجاتیہ در عقائد حدیثیہ

سے ہو سکتی ہے جو اسے اپنے ہاتھ میں لے لے ،اس کا علم بلند اور پست ہر قسم کی موجودات کو محیط ہے ،جو کچھ ہوچکا یا جو آئندہ ہوگا سب اس کے احاطہ میں ہے۔ عرش پر اللہ تعالیٰ کے استواء کا ذکر قرآن مجید میں سات جگہ آیا ہے اللہ تعالیٰ فرماتا ہے: ﴿اَلرَّحْمٰنُ عَلَی الْعَرْشِ اسْتَوٰی﴾(طٰہٰ:۵) ’’وہ بے حد رحم والا عرش پر بلند ہوا۔‘‘ یہ بھی فرمایاہے: ﴿اَحَاطَ بِکُلِّ شَیْئِِ عِلْمََا﴾ (الطلاق:۱۲) ’’اللہ نے ہر چیز کو علم سے گھیر رکھا ہے۔‘‘ اس مضمون کا بھی قرآن میں کئی جگہ ذکر ہوا ہے دراصل بات یہ ہے کہ جس چیز کا ثبوت قرآن میں مل جائے اس کا اعتقاد رکھنا صحیح ہے اور اس کی تاویل کرنا یا اسے اپنے ظاہری معنوں سے ہٹانا درست نہیں ہے ۔ قرآن مجید میں استوا کا ثبوت: قرآن مجید کی مختلف مختلف ذیل آیات مسئلہ استوا پر صراحتہً دلالت کرتی ہیں ۔ ﴿ اِلَیْہِ یَصْعَدُ اَلْکَلِمْ الْطَّیْبُ﴾(الفاطر ۱۰) ’’اسی کی طرف ہر پاکیزہ بات چڑھتی ہے۔‘‘ ﴿رَافِعُکَ اِلَیَّ﴾(آل عمران : ۵۵) ’’تجھے اپنی طرف اٹھانے والا ہوں۔‘‘ ﴿بَلْ رَّفَعَہُ اللّٰہ اِلَیْہِ﴾(النساء :۱۵۸) ’’بلکہ اللہ نے اسے اپنی طرف اٹھالیا ۔‘‘ ﴿تَعْرُجُ الْمَلٓئِکۃُ وَالرُّوْحُ اِلَیْہِ﴾ (المعارج:۴)