رسالہ نجاتیہ در عقائد حدیثیہ

اللہ تعالیٰ کی صفتِ کلام کا بیان: بعض لوگ کہتے ہیں کہ اللہ تعالیٰ کے کلام کے لئے حرف اورآواز نہیں ہے۔ یہ بھی قرآن و حدیث کے خلاف ہے اور اس کا بے حرف و آواز کلام کرنا سمجھ میں نہیں آتا جس طرح انسان سے تمام اعضاء جدا کردیے جائیں تو اسے انسان نہیں سمجھا جاتا ۔قرآن اللہ تعالیٰ کا کلام ہے غیر مخلوق ہے(۱۰) ............................................................................................. اور ابوبکر باقلانی کہتے ہیں : ’’ ان صفات کا انکار کرنے والے سے پوچھا جائے گا کہ کیا اللہ تعالیٰ زندہ ہے تو وہ جواب ہاں میں دے گا پھر ا س کو کہا جائے گا کہ جب زندگی ہے تو سمع و بصر کیوں نہیں۔۔۔یہ آپس میں لازم و ملزوم ہیں ۔[1] (۱۰)اللہ تعالیٰ کی صفت کلام ثابت ہے اور قرآن مجید کلام اللہ ہے۔ ارشاد باری تعالیٰ ہے: ﴿ وَكَلَّمَ اللَّهُ مُوسَى تَكْلِيمًا ﴾ ۔(النساء:۱۶۴) ’’اور اللہ تعالیٰ نے موسی علیہ السلام سے بات کی ۔‘‘ وائل بن داود نے کہا : ’’ یہ گفتگو بالمشافہ کئی بار ہوئی تھی ۔‘‘[2] قرآن مجید کے مختلف مقامات پر اللہ تعالیٰ کا موسی علیہ السلام سے بات کرنے کا ذکر ہے ۔

[1] تمھید الاوائل فی تلخیص الدلائل (ص:۴۶)نیز دیکھئے شرح السنۃ للبربھاری (ص:۷۷۔۸۵) ،عقیدہ واسطیہ (ص:۳۴،اصل السنہ واعتقاد الدین (ص:۸۵)،الابانہ (ص:۱۶۴)،اور شیخ نواب صدیق حسن خان نے شیخ فاخر کی اس عبارت کا عربی میں ترجمہ کرکے نقل کیا ہے الانتقاد الرجیح فی شرح الاعتقاد الصحیح لنواب صدیق حسن خان (ص:۴۵۔۴۶) [2] السنۃ لعبداللہ بن احمد بن حنبل (ص:۵۳۰)