رجال القرآن 2

عثمان بن طلحہ، عمرو بن عاص کے پاس اپنے خیالات کے اظہار کے لیے گیا لیکن اپنے دل کی بات نہ کہہ سکا۔ عمرو بن عاص نے اپنی رائے کا اظہار کرتے ہوئے کہا: میں دیکھ رہا ہوں کہ محمد( صلی اللہ علیہ وسلم)کی تحریک انقلابی صورت اختیار کرچکی ہے، میرے دل میں ایک سوچ آئی ہے، اس کے بارے میں تم کیا کہتے ہو؟ ’’وہ کیا ہے؟‘‘ قریشی سرداروں نے وضاحت پوچھی۔ عمرو: میرا مشورہ ہے کہ ہم نجاشی کے پاس چلے جاتے ہیں، ہم اس کے ہاں رہیں۔ اگر محمد صلی اللہ علیہ وسلم اپنی قوم پر غالب آگئے تو ہم نجاشی کی حکومت میں ہوں گے۔ محمد صلی اللہ علیہ وسلم کی غلامی میں رہنے سے بہتر ہے کہ ہم نجاشی کی حکومت کے تحت میں ہوں اور اگر ہماری قوم غالب آئی تو ہم معزز طبقہ ہیں، ان سے ہمیں خیر ہی ملے گی۔ انھوں نے کہا: مشورہ تو واقعی اچھا ہے۔ عثمان نے کہا: نجاشی کے لیے تحفے تحائف تیار کرو ہماری سرزمین کے چمڑے اسے بہت پسند ہیں، چنانچہ ہم نے بہت سارا چمڑا جمع کیا اور اس کے پاس جاپہنچے۔ عمرو کہتے ہیں: ہم نجاشی کے پاس ہی تھے کہ عمرو بن امیہ ضمری رضی اللہ عنہ آئے، انھیں رسول اللہ صلی اللہ علیہ وسلم نے جعفر بن ابی طالب رضی اللہ عنہ اور ان کے ساتھیوں کے معاملے کے لیے نجاشی کے پاس بھیجا تھا۔ کہتے ہیں: وہ نجاشی کے پاس گیا اور تھوڑی دیر کے بعد واپس آگیا۔ میں نے اپنے دوستوں سے کہا: یہ عمرو بن امیہ ضمری ہے۔ اگر میں نجاشی کے پاس جاؤں اور اس سے عمرو بن امیہ مانگ لوں، پھر وہ مجھے دے دے اور میں عمرو کو قتل کردوں تو یقیناً ہمارے