رمضان المبارک فضائل ، فوائد و ثمرات

حضرت ابوہریرہ رضی اللہ عنہ سے مروی ایک حدیث میں ہے، رسول اللہ صلی اللہ علیہ وسلم نے فرمایا: (( إِنَّ اللّٰہَ تَبَارَکَ وَتَعَالٰی فَرَضَ صِیَامَ رَمَضَانَ عَلَیْکُمْ وَسَنَنْتُ لَکُمْ قِیَامَہُ فَمَنْ صَامَہُ وَقَامَہُ إِیْمَانًا وَ اِحْتِسَابًا خَرَجَ مِنْ ذُنُوبِہِ کَیَوْمِ وَلَدَتْہُ أُمُّہُ)) ’’اللہ تبارک و تعالیٰ نے تم پر رمضان کے روزے فرض کیے ہیں اور میں نے تمہارے لیے اس (کی راتوں ) کا قیام مقرر کیا ہے، چنانچہ جو شخص اس کے روزوں اور قیام کا ایمان کے ساتھ اور اجر و ثواب کی نیت سے اہتمام کرے گا، وہ گناہوں سے اس طرح پاک ہو جائے گا، جیسے وہ اس وقت پاک تھا جب اس کو اس کی ماں نے جَنا تھا۔‘‘[1] ایک مرتبہ رسول اللہ صلی اللہ علیہ وسلم منبر پر چڑھے تو فرمایا: آمین۔ دوسرے زینے پر چڑھے تو فرمایا: آمین۔ تیسرے زینے پر قدم رکھے تو فرمایا: آمین۔ اس کی وضاحت میں آپ صلی اللہ علیہ وسلم نے فرمایا: (( أَتَانِي جِبْرِیلُ فَقَالَ: یَا مُحَمَّدُ! مَنْ أَدْرَکَ رَمَضَانَ فَلَمْ یُغْفَرْلَہٗ فَأَبْعَدَہُ اللّٰہُ فَقُلْتُ آمین۔ قَالَ: وَمَنْ أَدْرَکَ وَالِدَیْہِ أَوْ أَحَدَھُمَا فَدَخَلَ النَّارَ، فَأَبْعَدَہُ اللّٰہُ فَقُلْتُ آمین۔ قَالَ: وَمَنْ ذُکِرْتَ عِنْدَہُ فَلَمْ یُصَلِّ عَلَیْکَ، فَأَبْعَدَہُ اللّٰہُ، فَقُلْتُ آمین))

[1] سنن النسائي، الصیام، باب ثواب من قام رمضان و صامہ…، حدیث: 2212، وقال الشیخ أحمد شاکر رحمہ اللّٰہ : إسنادہ صحیحٌ، مسند أحمد بتحقیقہ:3/ 127، رقم: 166۔