کتاب: رمضان المبارک فضائل ، فوائد و ثمرات - صفحہ 53
روزوں کی فضیلت
روزوں کی فضیلت، نفلی ہوں یا فرضی، متعدد احادیث سے ثابت ہے، مثلاً فرمایا:
((اَلصَّوْمُ جُنَّۃٌ یَسْتَجِنُّ بِہَا الْعَبْدُ مِنَ النَّارِ))
’’روزہ ایک ڈھال ہے جس کے ذریعے سے بندہ جہنم کی آگ سے بچتا ہے۔‘‘[1]
ایک دوسری روایت کے الفاظ اس طرح ہیں :
((اَلصَّوْمُ جُنَّۃٌ مِّنْ عَذَابِ اللّٰہِ))
’’روزہ اللہ تعالیٰ کے عذاب سے (بچاؤ کی) ڈھال ہے۔‘‘ [2]
ایک تیسری روایت کے الفاظ اس طرح ہیں :
((اَلصِّیَامُ جُنَّۃٌ وَحِصَنٌ حَصِینٌ مِنَ النَّارِ))
’’روزہ ڈھال ہے اور آگ سے بچاؤ کا مضبوط قلعہ ہے۔‘‘[3]
ایک حدیث میں نبیٔ اکرم صلی اللہ علیہ وسلم نے فرمایا:
[1] مسند أحمد:3/ 396، و صحیح الجامع، حدیث: 3867۔
[2] مسند أحمد:4/ 217، و صحیح الجامع، حدیث: 3866۔
[3] مسند أحمد:2/ 402، و صحیح الترغیب: الصوم، حدیث: 970۔