کتاب: رمضان المبارک فضائل ، فوائد و ثمرات - صفحہ 48
باب 2
رمضان المبارک، فضائل، فوائد و ثمرات اور احکام و مسائل
رمضان المبارک کی فضیلت
رمضان المبارک کا مہینہ بڑی فضیلت و اہمیت کا حامل ہے اس کی فضیلت متعدد حیثیتوں سے ثابت ہے، مثلاً:
1. رمضان کے روزے رکھنا، اسلام کے پانچ بنیادی ارکان میں سے ایک رکن ہے۔ نبی صلی اللہ علیہ وسلم نے فرمایا:
(( بُنِیَ الإِْسْلاَمُ عَلٰی خَمْسٍ، شَھَادَۃِ أَنْ لاَّ إِلٰہَ إِلاَّ اللّٰہُ وَأَنَّ مُحَمَّدًا رَسُولُ اللّٰہِ، وَإِقَامِ الصَّلاَۃِ وَإِیتَائِ الزَّکَاۃِ وَالحَجِ وَصَوْمِ رَمَضَانَ))
’’اسلام کی بنیاد پانچ چیزوں پر ہے: 1.اس بات کی گواہی دینا کہ اللہ کے سوا کوئی معبود نہیں اور یہ کہ محمد ( صلی اللہ علیہ وسلم ) اللہ کے رسول ہیں ۔2.نماز قائم کرنا۔ 3.زکاۃ ادا کرنا۔ .4 حج کرنا۔ 5. اور رمضان کے روزے رکھنا۔‘‘[1]
2. اسی مہینے میں قرآن مجید کا نزول ہوا: ﴿ شَهْرُ رَمَضَانَ الَّذِي أُنزِلَ فِيهِ الْقُرْآنُ﴾ [2]
﴿ إِنَّا أَنزَلْنَاهُ فِي لَيْلَةِ الْقَدْرِ ﴾ [3]جس کا ایک مطلب تو بعض علماء اور مفسرین نے
[1] صحیح البخاري، الإیمان، باب: 2، حدیث: 8
[2] البقرہ 185:2۔
[3] القدر 1:97۔