رمضان المبارک فضائل ، فوائد و ثمرات

دن ہے جس دن تم افطار (عید) کرو اور عید الاضحی کا وہ دن ہے جس دن تم قربانیاں کرو۔‘‘[1] اس حدیث میں خطاب مسلمانوں سے ہے اور مسلمانوں سے مراد اپنے اپنے علاقے (یا ایک متحد المطالع ملک) کے مسلمان ہیں ، اس میں ایک علاقے کی حد تک مسلمانوں کو اجتماعیت کی تاکید ہے جس سے مسئلۂ زیر بحث کی تائید ہوتی ہے۔ کچھ رؤیتِ ہلال کمیٹی اوراس کی پیش کردہ تجاویز کے بارے میں اب آخر میں ہم دو امور پر مزید گفتگو کرنا مناسب سمجھتے ہیں : 1. وقتاً فوقتاً مرکزی رؤیت ہلال کمیٹی کے فیصلوں اور طریق کار پر تنقید ہوتی رہتی ہے، اس کی حیثیت کیا ہے؟ اس کا کوئی جواز ہے یا نہیں ؟ 2. رؤیت ہلالِ کمیٹی کو مزید بہتر کس طرح بنایا جاسکتا ہے اور اس کے لیے کیا مزید اقدامات کیے جانے چاہئیں ؟ بعض حلقوں کی طرف سے بلکہ چند سال قبل خود وزارتِ مذہبی امور کی طرف سے یہ تجویز منظر عام پر آئی تھی کہ رؤیتِ ہلال کمیٹی کا وجود ختم کردیا جائے اور یہ معاملہ خود وزارت مذہبی امور سنبھال لے اور وہی علماء کے فیصلے کے بغیر رؤیت یا عدم رؤیت کا اعلان کرے، البتہ ایک اطلاعاتی مرکز قائم کیاجائے جس میں تمام جدید سائنسی آلات اور سہولیات موجود ہوں ۔ وزارت مذہبی اُمور اس کی مدد سے چاند کے دیکھنے اور اس کا فیصلہ کرنے کا اہتمام کرے۔

[1] جامع الترمذي، الصوم، باب ما جاء أن الصوم یوم تصومون… حدیث: 197۔