رمضان المبارک فضائل ، فوائد و ثمرات

ہوں اور میں افسانۂ غم چھیڑ کر آپ کی لذت عیش کو منغص کر دوں مگر یقین کیجیے کہ اپنے دل اندوہ پرست کی بے قراریوں سے مجبور ہوں ۔ قاعدہ ہے کہ ایک غمگین دل کے لیے عیش کی گھڑیوں سے بڑھ کر اور کوئی وقت غم کے حوادث کا یاد آور نہیں ہوتا، ایک غم زدہ ماں جو سال بھر کے اندر اپنے کئی فرزندوں کو کھو چکی ہو اگر عید کے دن اس کو اپنی بقیہ اولاد کے چہرے دیکھ کر خوشی ہو گی تو ایک ایک کر کے اس کے گم گشتہ لخت جگر بھی سامنے آجائیں گے۔ ایک بدبخت جو اپنا تمام مال و متاع غفلت و بے ہوشی میں ضائع کر چکا ہو۔ عید کے دن جب لوگوں کی زریں قباؤں اور پُر جواہر کلاہوں کو دیکھے گا تو ممکن نہیں کہ اس کواپنی کھوئی ہوئی دولت کے سازوسامان یاد نہ آجائیں ۔ دیکھتا ہوں تو یہ جشن کی عیدیں عیش و مسرت کا پیام نہیں بلکہ یاد آور دردو حسرت ہیں ۔ آہ! کیا دنیا میں غفلت و سرشاری کی حکومت ہمیشہ سے ایسی ہی ہے؟ کیا دنیا میں ہمیشہ نیند زیادہ اور بیداری کم رہی ہے؟ یہ لوگوں کو کیا ہو گیا ہے کہ ایک دن کی خوشیوں میں بے خود ہو کر ہمیشہ کے ماتم و اندوہ کو بھول گئے ہیں ؟ بزم جشن کی تیاریاں کس کے لیے جبکہ دنیا اب ہمارے لیے ایک دائمی ماتم کدہ بن گئی ہے؟ عیش و نشاط کی بزموں کو آگ لگایئے، عید کے قیمتی کپڑوں کو چاک چاک کر ڈالیے، عطر کی شیشیوں کو اپنے بخت زبوں کی طرح الٹ دیجیے اور اس کی جگہ مٹھیوں میں خاک و گرد بھر بھر کر اپنے سراورسینے پر اڑایئے، زریں کلاہوں اور ریشمی قباؤں کے پہننے کے دن اب گئے۔ ماخانۂ رمیدگان ظالمیم پیغام خوش از دیارِما نیست لیکن اس طلسم سر ائے ہستی کی ساری رونق انسان کی غفلت و سرشاری سے ہے،