رمضان المبارک فضائل ، فوائد و ثمرات

فِیہِ فَمِنْہُمْ مَنْ قَالَ لَا یَلْزَمُ… وَ فِي الْقُدورِيِّ إِنْ کَانَ بَیْنَ الْبَلْدَتَیْنِ تَفاوُتٌ لَا یَخْتَلِفُ بِہِ الْمَطَالَعُ، یَلْزَمُہُ)) ’’ایک شہر والے جب چاند دیکھ لیں تو کیا تمام شہر والوں کے حق میں رؤیت لازم ہوجائے گی؟ اس میں اختلاف ہے۔ بعض لوگوں کی رائے ہے: لازم نہیں ہوگی… اور قدوری میں ہے کہ اگر دو شہروں کے درمیان ایسا تفاوت ہو کہ مطلع تبدیل نہ ہوتا ہو تو اس صورت میں رؤیت لازم ہوگی۔‘‘ صاحبِ ہدایہ اپنی کتاب ’’مختارات النوازل‘‘ میں ان الفاظ میں اپنی رائے کا اظہار کرتے ہیں : (( أَہْلُ بَلْدَۃٍ صَامُوا تِسْعَۃٍ وَّعِشْرِینَ یَوْمًا بِالرُّؤیَۃِ وَ أَہْلُ بَلْدَۃٍ أُخْرٰی صَامُوا ثَلَاثِینَ بِالرُّؤْیَۃِ فَعَلَی الْأَوَّلَیْنَ قَضَائُ یَوْمٍ إِذَا لَمْ یَخْتَلِفِ الْمَطَالِعُ بَیْنَہُمَا وَ أَمَّا إِذَا اخْتَلَفَتْ لَا یَجِبُ الْقَضَائُ)) ’’ایک شہر والوں نے رؤیتِ ہلال کے بعد29 روزے رکھے اور دوسرے شہر والوں نے چاند دیکھنے ہی کی بنا پر 30 روزے رکھے تو اگر ان شہروں میں مطلع کا اختلاف نہ ہو تو 29 روزے رکھنے والوں کو ایک دن کی قضا کرنی ہوگی۔ اور اگر دونوں شہروں کا مطلع جداگانہ ہو تو قضا کی ضرورت نہیں ۔‘‘ محدث علامہ زیلعی رحمہ اللہ نے کنزالدقائق کی شرح ’’تبیین الحقائق‘‘ میں اس پر تفصیل سے گفتگو فرمائی ہے۔ انہوں نے اختلافِ مطالع کی بحث میں فقہاء احناف کا اختلاف نقل کرنے کے بعد خودجو فیصلہ کیا ہے، وہ یہ ہے: