رمضان المبارک فضائل ، فوائد و ثمرات

کی قضا دینی ہوگی، مسافر کی طرح ان کے لیے بھی فدیۂ طعام نہیں ہوگا۔ حاملہ اور مُرضعہ کے لیے فدیۂ طعام کی ایک خاص صورت البتہ ایک استثنائی صورت میں ان خواتین کے لیے قضا کے بجائے شاید فدیۂ طعام دے دینا کافی ہو۔ اور وہ صورت یہ ہے کہ جس طرح زیادہ بوڑھے شخص (شیخ کبیر) یا ایسے مریض کو، جس کی صحت یابی کی امید نہیں ہوتی، قضا کے بجائے فدیۂ طعام کی اجازت ہے۔ اسی طرح جن عورتوں کو رمضان مسلسل اس حالت میں آتا ہے کہ وہ حمل یا رضاعت کی حالت میں ہوتی ہیں اور ان کے لیے سال کے دیگر ایام میں واقعی روزوں کی قضاممکن نہ ہو تو امید ہے کہ ان کے لیے فدیۂ طعام کافی ہوجائے۔ واللّٰہ أعلم بالصواب۔ روزے کی حالت میں ہم بستری کرنے پر عورت پر کفّارہ ہے یا نہیں ؟ رمضان المبارک کے فرضی روزے میں اگر کوئی شخص اپنی بیوی سے ہم بستری کرلے تو روزے کی قضا کے ساتھ اس کو کفارہ بھی ادا کرنا پڑے گا۔ اس کا کفارہ ایک غلام آزاد کرنا یا دو مہینے کے متواتر روزے رکھنا یا ساٹھ مساکین کو کھانا کھلانا ہے۔ نبی صلی اللہ علیہ وسلم کے زمانے میں ایک شخص کے ساتھ یہ واقعہ پیش آیا تو وہ نبی صلی اللہ علیہ وسلم کے پاس آیا اور کہنے لگا: اللہ کے رسول! میں توہلاک ہوگیا۔ آپ نے پوچھا: کیا ہوا؟ کہنے لگا: میں نے روزے کی حالت میں اپنی بیوی سے جماع کرلیا، رسول اللہ صلی اللہ علیہ وسلم نے اس سے پوچھا: