رمضان المبارک فضائل ، فوائد و ثمرات

مُنہ سے چباکر کوئی چیز بچے کو دینا یہی حکم منہ سے کسی چیز کو چبا کر نرم کرکے شِیر خوار بچے کو دینے کا ہے، یعنی اگر وہ چیز حلق کے نیچے نہیں جاتی تو روزہ برقرار رہے گا۔ حیض اور نفاس کا حکم جس عورت کو روزے کی حالت میں حیض آجائے، چاہے افطار سے چند لمحے پہلے ہی آئے تو اس کا روزہ ٹوٹ جائے گا اور اس روزے سمیت سارے ایام حیض کے چھوٹے ہوئے روزوں کی بعد میں قضا ضروری ہے۔ ایامِ حیض میں حائضہ کے لیے روزہ رکھنا ممنوع ہے، جیسے نماز پڑھنا ممنوع ہے۔ اس حالت میں نماز تو اللہ نے بالکل ہی معاف کردی ہے، تاہم روزے معاف نہیں ہیں ، ان کی قضا بعد میں ضروری ہے۔ اسی طرح جب وہ صبح صادق سے پہلے پاک ہوجائے، یعنی اس کے حیض کا خون بند ہوجائے تو وہ نہائے بغیر سحری کھاکر روزہ رکھ سکتی ہے۔ تاہم نماز کے لیے غسل ضروری ہے، وہ سحری کھانے کے بعد غسل کرکے نماز پڑھ لے۔ یہی حکم نفاس والی عورت کا ہے، وہ بھی نفاس کی حالت میں روزہ نہیں رکھ سکتی اور نفاس سے پاک ہوتے ہی وہ روزہ بھی رکھے گی اور نماز بھی پڑھے گی، نماز اس کو معاف ہے اور روزوں کی قضا دے گی۔ قضائے رمضان میں اتنی تاخیر ہوجائے کہ دوسرا رمضان آجائے تو… حیض اور نفاس میں چھوڑے ہوئے روزوں کی قضا میں بلا جواز تاخیر نہیں کرنی چاہیے۔ بعض عورتیں اتنی تاخیر کردیتی ہیں کہ دوسرا رمضان آجاتا ہے، پھر رمضان کے