رمضان المبارک فضائل ، فوائد و ثمرات

﴿ لَوْ أَنزَلْنَا هَـٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّـهِ﴾ ’’اگر ہم یہ قرآن کسی پہاڑ پر نازل کرتے تو تم دیکھتے کہ اللہ کے خوف سے دبا اور پھٹا جاتا ہے۔‘‘[1] اس سلسلے میں امام غزالی رحمہ اللہ نے کیا خوب ارشاد فرمایا ہے کہ اللہ تعالیٰ نے قرآن عزیز کی عظمت اور جمال کو حرفوں کا لباس پہنا دیا ہے تاکہ اس لباس کے ذریعہ وہ انسانوں تک پہنچے لیکن بہت سے لوگ قرآن کو اس کی آواز اور ظاہری شکل و صورت سے زیادہ کچھ نہیں سمجھتے حالانکہ یہ ایسا ہی ہے جیسے کوئی شخص یہ خیال کرے کہ آتش، یعنی آگ کی حقیقت محض الف ، ت اور ش ہے اور اس بات کو نہ جانے کہ اگر آتش میں کاغذ ڈالا جائے تو وہ جلادیتی ہے اور کاغذ اس کی تاب نہیں لاسکتا، لیکن یہ حروف جن سے آتش کا لفظ مرکب ہے ہمیشہ کاغذ پر لکھے رہتے ہیں لیکن کچھ اثر نہیں کرتے اسی طرح کاغذ پر لکھی ہوئی قرآنی آیتیں اپنے اندر وہ عظیم الشان حقیقتیں رکھتی ہیں کہ اگر انسان اپنے دل و دماغ کو ان کے حوالے کر دے، تو پھر وہ آگ سے کندن بن کر نکلتا ہے اور انسانیت کے بازار میں وہی ایک کھرا سونا ثابت ہوتا ہے، پھر ناممکن ہے کہ انسانیت کا اجتماعی ضمیر کھرے سونے کی قدروقیمت کو نہ پہچانے۔ پھر باطنی آداب کے سلسلے میں دوسری اہم بات یہ ہے کہ ہر اس آیت کا حق ادا کرنا چاہیے جو تلاوت کے اثناء میں سامنے آئے، مثلاً: کوئی ایسی آیت سامنے آئے جس میں عذاب الٰہی کا بیان ہے تو دل پر خوف و ہراس طاری ہو اور اللہ سے پناہ طلب کی

[1] الحشر 21:59۔