رمضان المبارک فضائل ، فوائد و ثمرات

مبتلا کرنے کی غرض سے پڑھتے ہیں ۔ دوسری شرط یہ ہے کہ اپنے ذاتی رجحانات سے ذہن کو پاک رکھا جائے ورنہ قرآن کی تلاوت اور اس کے مطالعہ سے اگر یہ کام لیا جائے کہ انسانی دماغ کے تراشے ہوئے فلسفوں اور اپنے ذاتی افکار یا اعتبار سے یہاں درآمد کیے ہوئے نظریات و تصورات کی تائید میں قرآن سے کچھ الٹی سیدھی دلیلیں گڑھی جائیں ۔ تو ممکن ہے انسان کو بزعم خویش اس طرح کے قرآنی معارف کے نکالنے میں کامیابی حاصل ہو جائے لیکن یہ حرکت انسان پر قرآن کے فہم کا دروازہ بند کر دیتی ہے تیسری شرط یہ ہے کہ تلاوت کے ظاہری اور باطنی آداب کا لحاظ رکھا جائے، ظاہری آداب میں جسم و لباس کی پاکیزگی اور قرآن کی تعظیم کا اہتمام ہے، پھر اسی تعظیم کا تقاضا یہ ہے کہ ٹھہر ٹھہر کر آہستہ آہستہ تلاوت کی جائے ایسا معلوم نہ ہو کہ ایک بوجھ ہے جس کو انسان جلد سے جلد سر سے اتار پھینکنا چاہتا ہے۔ حضرت عائشہ رضی اللہ عنہا اگر کسی کو قرآن مجید جلدی جلدی پڑھتا ہوا دیکھتیں تو فرماتیں کہ یہ شخص نہ تو خاموش ہے اور نہ قرآن ہی پڑھ رہا ہے، اس کے علاوہ فضیلت کے اعتبار سے زبانی پڑھنے کے لحاظ سے قرآن حکیم کو دیکھ کر پڑھنا زیادہ فضیلت رکھتا ہے اگرچہ انسان قرآن کا حافظ ہی کیوں نہ ہو، اس لیے کہ اس طرح آنکھیں بھی مشغول رہتی ہیں جس طرح دل اور دماغ کا حاضر رکھنا تلاوت قرآن کے آداب و شرائط میں ہے۔ باطنی آداب کے سلسلے میں ایک تو یہ ہے کہ اللہ کے اس کلام کی عظمت کو جانا جائے اور اس حقیقت کو پہچانا جائے جس کی بنا پر یہ ارشاد ہوا ہے کہ