رمضان المبارک فضائل ، فوائد و ثمرات

ہے جو اسلامی تہذیب و تمدن کا تقاضا ہے نہ اس عروج و ارتقا کے حاصل ہونے کی راہ مل سکتی ہے جو انسان کے لیے انسانیت کی حیثیت سے سعادت اور رحمت کا گہوارہ بنے اور نہ آخرت کی کامیابیوں کی جانب سے خوش آمدید کے ساتھ استقبال کی امید کی جاسکتی ہے اور قرآن کا حق تلاوت کم از کم یہ ہے کہ ان کھلی کھلی ہدایتوں کو جانا اور سمجھا جائے جن کے جانے اور سمجھے بغیر نہ افراد اللہ کے فرمانبردار بندے بن سکتے ہیں اور نہ ایسا معاشرہ جنم لے سکتا ہے جو عبادت گزار اور اللہ کی اطاعت میں سرگرم ہو اور پھر ان قرآنی آیتوں کے تقاضوں کے مطابق اپنے آپ کو بدلنے کی کوشش کی جائے جن کو جانا اور سمجھا گیا ہے۔ حق تلاوت کی شرائط اس کے لیے پہلی شرط نیت کی پاکیزگی ہے، نیت کی پاکیزگی کا مطلب یہ ہے کہ قرآن حکیم کو صرف ہدایت کی طلب کے لیے پڑھا جائے کسی اور غرض کو سامنے رکھ کر نہ پڑھا جائے اگر ہدایت کی طلب کے سوا کوئی اور غرض سامنے ہو گی تو نہ صرف یہ کہ انسان قرآن کے فیض سے محروم رہے گا بلکہ اس بات کا بھی خطرہ ہے کہ قرآن سے دوری بڑھتی ہی چلی جائے، اسی لیے اللہ تعالیٰ نے پوری صراحت سے فرمایا ہے کہ قرآن سے ہدایت کا فائدہ متقین کو پہنچتا ہے ہدی للمتقین، یعنی یہ کتاب تقویٰ شعار لوگوں کے لیے ہدایت ہے اور یہی وجہ ہے کہ مستشرقین ہوں یا کوئی اور قرآن کو سمجھنے کے باوجود ہدایت سے محروم ہیں اور محروم رہتے ہیں کیونکہ ان کی نیتیں پاکیزہ نہیں وہ قرآن کو محض ہدایت کی طلب کے لیے نہیں پڑھتے بلکہ اعتراض یا لوگوں کو تشکیک میں