رمضان المبارک فضائل ، فوائد و ثمرات

’’تم میں سب سے بہتروہ شخص ہے جو قرآن سیکھے اور اسے (دوسروں کو) سکھلائے۔‘‘[1] 9. ایک اور حدیث میں ، جوحضرت عبداللہ بن عمرو رضی اللہ عنہما سے مروی ہے، رسول اللہ صلی اللہ علیہ وسلم نے فرمایا: ((یُقَالُ لِصَاحِبِ الْقُرْآنِ اِقْرَأْ وَارْتَقِ وَ رَتِّلْ کَمَا کُنْتَ تُرَتِّلُ فِي الدُّنْیَا فَإِنَّ مَنْزِلَتَکَ عِنْدَ آخِرِ آیَۃٍ تَقْرَأُہَا)) ’’صاحب قرآن (قرآن پڑھنے اور اسے حفظ کرنے والے ) سے (قیامت کے دن) کہاجائے گا: قرآن پڑھتاجا اور (درجے)چڑھتاجا اور اس طرح آہستہ آہستہ تلاوت کر جیسے تو دنیا میں تر تیل سے پڑھتا تھا، پس تیرا مقام وہ ہے جہاں تیری آخری آیت کی تلاوت ختم ہوگی۔[2] 10. یہی وہ اخروی فضیلت اور سعادت ابدی ہے جس کی بناپر رسول اللہ صلی اللہ علیہ وسلم نے حامل قرآن پر رشک کرنے کو جائز قرار دیاہے۔ چنا نچہ ایک حدیث میں ، جو حضرت ابن عمر رضی اللہ عنہما سے مروی ہے، آپ نے فرمایا: ((لَا حَسَدَ إِلَّا فِي اثْنَتَیْنِ: رَجُلٌ آتَاہُ اللّٰہُ الْقُرْآنَ، فَہُوَ یَقُومُ بِہِ آنَائَ اللَّیْلِ وَ آنَائَ النَّہَارِ، وَ رَجُلٌ آتَاہُ اللّٰہُ مَالًا فَہُوَ یُنْفِقُہُ آنَائَ اللَّیْلِ وَ آنَائَ النَّہَارِ))

[1] صحیح البخاري، فضائل القرآن، باب خیر کم من تعلم القرآن وعلمہ، حدیث 5027۔ [2] سنن أبي داود، الصلاۃ، باب استحباب الترتیل…، حدیث 1464، و جامع الترمذي، أبواب ثواب القرآن، حدیث2914۔