رمضان المبارک فضائل ، فوائد و ثمرات

فضائل قرآن حضرت عبداللہ بن مسعود رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ((مَنْ قَرَأَ حَرْفًا مِّنْ کِتَابِ اللّٰہِ فَلَہُ حَسَنَۃٌ، وَ الْحَسَنَۃُ بِعَشْرِ أَمْثَالِہَا لَا أَقُولُ الٓم حَرْفٌ وَّ لٰکِنْ اَلِفٌ حَرْفٌ، وَ لَامٌ حَرْفٌ، وَ مِیمٌ حَرْفٌ)) ’’جس شخص نے اللہ کی کتاب (قرآن مجید) کا ایک حرف پڑھا، اس کے لیے ایک نیکی ہے اور ایک نیکی دس نیکیوں کے برابر ہے۔ میں نہیں کہتا کہ ’’الٓم‘‘ ایک حرف ہے بلکہ الف ایک حرف ہے، لام ایک حرف ہے اور میم ایک حرف ہے۔‘‘(یعنی یہ تین حرفوں سے مرکب ہے اور اس کے پڑھنے والے کو، دس ضرب تین ، 30نیکیاں ملیں گی) [1] 2. حفرت ابو امامہ رضی اللہ عنہ بیان کرتے ہیں کہ میں نے رسول اللہ صلی اللہ علیہ وسلم کوفرماتے ہوئے سنا: ((اِقْرَؤُا الْقُرْآنَ فَإِنَّہُ یَأْتِي یَوْمَ الْقِیَامَۃِ شَفِیعًا لِصَاحِبِہِ)) (الحدیث) ’’قرآن (کثرت سے) پڑھا کرو! اس لیے کہ قیامت کے دن یہ اپنے ساتھیوں (پڑھنے والوں ) کے لیے سفارشی بن کرآئے گا۔‘‘[2] سفارشی کا مطلب ہے کہ اللہ تعالیٰ قرآن مجید کو قوت گویائی عطا فرمائے گااور وہ اپنے قاری اور عامل کے گناہوں کی مغفرت کا اللہ سے سوال کرے گا جسے اللہ قبول

[1] جامع الترمذي ، أبواب ثواب القرآن ، باب ماجاء فیمن قرأ حرفا من الأجر، حدیث 2910۔ [2] صحیح مسلم، صلاۃ المسا فرین، باب فضل قراء ۃ القرآن حدیث 804۔