رمضان المبارک فضائل ، فوائد و ثمرات

قضائے عمری کی نماز پڑھنا جائز نہیں رمضان المبارک کے آخری جمعہ (جمعۃ الوداع) کے دن بعض غیر مشروع چیزیں عوام میں اکثر مروج ہیں ان میں سے ایک ’’نماز قضائے عمری‘‘ بھی ہے جس کی فضیلت کے بارے میں بریلوی آرگن ’’رضائے مصطفٰی‘‘ گوجرانوالہ کی ایک اشاعت میں لکھا گیا ہے۔ ( ا) ’’جس شخص کی فرض نمازیں قضا ہوگئی ہوں ، اگر وہ اپنے اس فعل پر نادم و شرمندہ ہوکر توبہ کرے اور قضا شدہ نمازوں کو پڑھ لے اور پھر قضائے عمری کی وجہ سے اس کی نمازیں قضا ہونے اور ان میں تاخیر ہونے کا جو گناہ ہوا تھا وہ گناہ معاف بلکہ نیکی میں تبدیل ہوجائے گا۔ نوافل قضائے عمری کی ترکیب یہ ہے کہ جمعہ (جمعۃ الوداع) کے دن ظہر و عصر کے درمیان بارہ رکعت نفل پڑھے اور ہر رکعت میں سورۂ فاتحہ، آیت الکرسی، قل ھو اللہ احد اور سورۂ فلق و سورۂ ناس ایک ایک بار پڑھے۔ (ب) جس کی نمازیں قضا ہوگئی ہوں اسے چاہیے کہ پیر کی رات کو پچاس رکعت نفل پڑھے اور فارغ ہوکر رسول اللہ صلی اللہ علیہ وسلم پرایک سو بار درود شریف پڑھے، اس سے خدا تعالیٰ ان سب نمازوں (کی قضا کے گناہ) کا کفارہ ادا کردے گا۔ اگرچہ سو برس کی