رمضان المبارک فضائل ، فوائد و ثمرات

کن کن چیزوں سے روزہ ٹوٹ جاتا ہے؟ 1. جان بوجھ کر کھانے پینے سے روزہ ٹوٹ جائے گا، البتہ بھول چوک یا جبر سے کوئی اس کو کچھ کھلا دے تو روزہ برقرار رہے گا۔ نبی صلی اللہ علیہ وسلم نے فرمایا: ’إِذَا نَسِيَ فَأَکَلَ وَشَرِبَ فَلْیُتِمَّ صَوْمَہُ، فَإِنَّمَا أَطْعَمَہُ اللّٰہُ وَ سَقَاہُ‘ ’’جب کوئی بھول کر کھا پی لے تو اس کو چاہیے کہ وہ روزہ پورا کر لے (اس کو توڑے نہیں ) اس لیے کہ اللہ تعالیٰ نے اس کو کھلایا اور پلایا ہے۔‘‘[1] حتیٰ کہ بھول کر بیوی سے ہم بستری بھی کر لے گا تو روزہ نہیں ٹوٹے گا۔ (حوالہ ہائے مذکور) 2. جان بوجھ کر قے کرنے سے روزہ ٹوٹ جائے گا، البتہ طبیعت کی خرابی سے خودبخود قے آجائے تو اس سے روزہ نہیں ٹوٹے گا۔ نبی صلی اللہ علیہ وسلم نے فرمایا: ((مَنْ ذَرَعَہُ قَيْئٌ وَ ہُوَ صَائِمٌ فَلَیْسَ عَلَیْہِ قَضَائٌ، وَ إِنِ اسْتَقَائَ فَلْیَقْضِ))

[1] صحیح البخاري، الصوم، باب الصائم إذا أکل أو شرب ناسیا،حدیث: 1933 وصحیح مسلم، الصیام، باب أکل الناسی وشربہ وجماعہ لا یفطر،حدیث: 1155۔