قائلین و فائلین رفع الیدین مسائل و احکام،دلائل و تحقیق

صلی اللہ علیہ وسلم نے ایسے ہی کیا۔[اور صحیح مسلم کی ایک روا یت میں ہے کہ نبی صلی اللہ علیہ وسلم ایسے ہی کیا کرتے تھے ]۔‘‘ صحیح مسلم کی ایک دوسری روایت میں نصر بن عاصم بیان کرتے ہیں کہ حضرت مالک رضی اللہ عنہ نے فرمایاہے : (أَنَّ رَسُوْلَ اللّٰہِ صلي اللّٰه عليه وسلم کَانَ اِذَا کَبَّرَ رَفَعَ یَدَیْہٖ حَتّٰی یُحَاذِيَ بِھِمَا أُذُنَیْہِ،وَاِذَا رَکَعَ رَفَعَ یَدَیْہِ حَتّٰی یُحَاذِيَ بِھِمَا أُذُنَیْہِ،وَاِذَا رَفَعَ رَأْسَہٗ مِنَ الرُّکُوْعِ فَقَالَ:سَمِعَ اللّٰہُ لِمَنْ حَمِدَہٗ،فَعَلَ مِثْلَ ذٰلِکَ )۔ [1] ‘’نبی صلی اللہ علیہ وسلم تکبیر تحریمہ کے وقت کانوں تک ہاتھوں کو اٹھاتے تھے،اور جب رکوع جاتے تو بھی کانوں تک ہاتھوں کو اٹھاتے تھے اور جب رکوع سے سر اٹھاتے اور سَمِعَ اللّٰہُ لِمَنْ حَمِدَہٗ کہتے،تب بھی اسی طرح ہی [رفع یدین] کرتے تھے۔‘‘ یہ حدیث بھی رفع یدین کے منسوخ نہ ہونے اور سنت ِ ثابتہ و دائمہ ہونے کی قوی دلیل ہے،کیونکہ حضرت مالک بن حویرث رضی اللہ عنہ کا نبی اکرم صلی اللہ علیہ وسلم کے پاس آنا ماہ ِ رجب ۹ھ میں ہوا،جو کہ غزوۂ تبوک کے ایّام میں بنتا؟؟؟ہے اور طبقات ابن ِ سعد وسیرت ابن ِ ہشام وغیرہ کتب ِ تاریخ و سیرت میں یہ بات ثابت ہے کہ جب وہ حاضرِ خدمت ہوئے،اس وقت نبی صلی اللہ علیہ وسلم غزوۂ تبوک کی تیاریوں میں تھے،جیسا کہ فتح الباری میں بھی مذکور ہے کہ وہ غزوۂ تبوک سے قبل اپنی قوم کے وفد کے ساتھ آئے تھے۔[2] ظاہر ہے کہ ۹ ھ میں آئے اور اس وقت یا اس کے بعد انھوں نے یہ حدیث بیان کی،جس کا واضح مطلب یہ ہوا کہ نبی صلی اللہ علیہ وسلم کی حیات ِ طیّبہ کے اس تقریباً آخری سال

[1] مسلم ایضاً۔ [2] طبقات ابن سعد بحوالہ فتح الباري:۲؍۱۱۰،۱۳؍۲۳۶،سیرت ابن ِ ھشام ۴؍۱۶۹،بتحقیق محمد محي الدّین۔