قرآن مجید کے حقوق

بات ہے حافظ ہو یا غیر حافظ جہاد کا نعرہ لگانے والا ہو یا اس کو سینے ہی میں چھپانے والا ہو کوئی بھی ہومہینے کے مہینے گزر جاتے ہیں اور اس نے ایک مرتبہ بھی قرآن ختم نہیں کیا ہوتا حالانکہ حافظ قرآن کے بارے میں خصوصاً اللہ تعالیٰ کے رسول صلی اللہ علیہ وسلم نے فرمایا تھا : ((إِنَّمَا مَثَلُ صَاحِبِ الْقُرْآنَ کَمَثَلِ صَاحِبِ الْإِبِلِ الْمُعَلَّقَۃِ إِنْ عَاہَدَ عَلَیْہَا أَمْسَکَہَا وَإِنْ أَطْلَقَہَا ذَہَبَتْ۔)) [1] ’’صاحب قرآن مجید کی مثال تو اس شخص کی سی ہے جس کے پاس ایک اونٹ بندھا ہوا ہو اگر تو اس پر پہرہ دے تو کھڑا رہتا ہے اور اگر اس کوچھوڑ دے تو بھاگ جاتاہے۔‘‘ اس لیے حکم دیا : ((تَعَاہَدُوْا الْقُرْآنَ فَوَ الَّذِیْ نَفْسِیْ بِیَدِیْ لَہُوَ أَشَدُّ تَفَصِّیًا مِنْ قُلُوْبِ الرِّجَالِ مِنَ الْإِبِلِ مِنْ عَقْلِہَا۔)) [2] ’’قرآن مجید کو بار بار پڑھا کرو ( اور ایک روایت میں ہے استذکروا (صحیح الجامع:936) اس کو دہرایا کرو ) اللہ تعالیٰ کی قسم جس کے قبضہ قدرت میں میری جان ہے یہ بندوں کے دلوں سے جلدی بھول جاتا ہے اتنا اونٹ اپنی رسی سے نہیں نکلتا ( اونٹ کا رسی سے جلدی نکلنا مشہور ہے )۔ ‘‘ اس لیے اس کابار بار پڑھنا ضروری ہے اور روزانہ کا معمول بنا لینا چاہیے کم ازکم دس پارے پڑھیں یا کم ازکم تین دن میں قرآن مجید ختم کریں جیسا کہ اللہ تعالیٰ کے رسول صلی اللہ علیہ وسلم نے فرمایا: ((اِقْرَأ الْقُرْآنَ فِیْ ثَلَاثٍ إِنِ اسْتَطَعْتَ۔))[3]

[1] البخاری: 5031 وصحیح الجامع: 2372۔ [2] صحیح الجامع: 2956، 2964 والبخاری: 5033۔ [3] صحیح الجامع: 1155 والصحیحۃ: 1512۔