قرآن مجید کے حقوق

کے پاس قرآن مجید پڑھتے ‘‘…اور عائشہ رضی اللہ عنہا فرماتی ہیں کہ میں عشاء کے بعد اللہ تعالیٰ کے رسول صلی اللہ علیہ وسلم کی زندگی میں کچھ لیٹ ہو گئی تو جب گھر آئی تو اللہ تعالیٰ کے رسول صلی اللہ علیہ وسلم نے پوچھا کہ کہاں تھی ؟ تو میں نے کہا کہ میں آپ کے ساتھیوں میں سے ایک کی آواز سن رہی تھی اس کی قراء ت وآواز جیسی کسی کی نہیں سنی تو نبی کریم صلی اللہ علیہ وسلم کھڑے ہوئے اور میں بھی۔ پھر اسے جا کر غور سے سنا اور میری طرف متوجہ ہو کر فرمانے لگے یہ سالم مولیٰ ابی حذیفہ ہے اللہ تعالیٰ کا شکر ہے جس نے میری اُمت میں ایسے شخص بھی پیدا کیے ہیں۔ [1] عبدالرحمن بن سائب فرماتے ہیں کہ سعد بن أبی وقاص ہمارے پاس آئے اور ان کی آنکھوں کی بینائی جا چکی تھی تو میں نے ان کو سلام کیا تواُنھوں نے پوچھا کون ہو تم ؟ تو میں نے بتلایا توکہنے لگے: ((مَرْحَبًا بِاِبْنِ أَخِیْ بِالْغِنٰی أَ نَّکَ حَسَنَ الصَّوْتِ بِالْقُرْآنِ۔)) ’’خوش آمدید اے میرے بھتیجے! میں نے سنا ہے کہ آپ کی قرآن کی تلاوت بڑی حسین ۔‘‘ اللہ تعالیٰ کے رسول صلی اللہ علیہ وسلم نے فرمایا تھا کہ قرآن کو جو تغنی سے نہیں پڑھتا وہ ہم میں سے نہیں[2] اسی لیے عمر رضی اللہ عنہ ((کَانَ یُقَدِّمُ الشَّابَ الْحَسَنَ الصَّوْتَ لِحُسْنِ صَوْتِہِ بَیْنَ یَدِیِ الْقَوْمِ ))[3]’’نوجوان کو اس کی اچھی آواز کی وجہ سے قوم کے سامنے مقدم کرتے تھے (یعنی وہ امامت کرواتا تھا ) ‘‘…حتیٰ کہ امام نووی رحمۃ اللہ علیہ نے علماء سلف و خلف کا اجماع نقل کیا ہے کہ صحابہ و تابعین و علماء امصارتک سب متفق ہیں کہ قرآن مجید کو اچھی آواز کے ساتھ پڑھنا مستحب ہے۔[4] اور ابن حجر رحمۃ اللہ علیہ فرماتے ہیں : ((أَمَّا تَحْسِیْنُ الصَّوْتِ وَتَقْدِیْمُ حَسْنِ الصَّوْتِ عَلٰی غَیْرِہٖ فَلَا

[1] ابن ماجہ :1338 وتحفۃ الأشراف:16303۔ [2] ابن ماجہ: 1337۔ [3] فتح الباری: 9/116۔ [4] التبیان:87 وفتح الباری: 9/91۔