قرآن مجید کے حقوق

وہ اس کی تلاوت اس طرح کرے جس طرح کرنے کا حق ہے تو اس حق کے حصول کو مندرجہ ذیل آداب کو ملحوظ رکھنے سے ممکن بنایا جا سکتا ہے: 1۔قرآن مجید کو ترتیل سے پڑھا جائے : قرآن مجید کی تلاوت کا حق ادا کرنے کے لیے ضروری ہے کہ اس کو ترتیل کے ساتھ پڑھا جائے اور ترتیل باب تفعیل سے مصدر ہے، چنانچہ رَتَّلَ فُـلَانٌ کَلَامَہٗ کا مطلب لغت عرب میں یہ لیاجاتا ہے کہ فلاں نے کلام کو ٹھہر ٹھہر کر اچھی طرح سمجھ کر بغیر تیزی کے کیا اور ترتیب کے ساتھ کیا اور خوش اسلوبی سے کیا۔ اسی لیے خوبصورت ہموار دانتوں کو عربی میں ثغر رتل کہتے ہیں۔ الغرض ترتیل کا لغوی معنی یہ نکلا کہ قرآن مجید کو ٹھہر ٹھہر کر خوش اسلوبی و خوش الحانی و حسن ادائیگی و ترتیب کے ساتھ پڑھنا۔ اور اصطلاح میں ترتیل کہتے ہیں : ((قِرَائَ ۃُ الْقُرْآنِ الْکَرِیْمِ بِتَمَہُّلٍ وَاطْمِئْنَانٍ مَعَ تَدُبُّرِ الْمَعَانِیْ وَمُرَاعَاۃُ کَیْفِیْۃِ تِلَاوَۃِ کِتَابِ اللّٰہِ الْمُنَزَلَّۃِ مِنْہُ۔))[1] ’’اللہ تعالیٰ کی طرف سے نازل شدہ کتاب قرآن مجید کوٹھہر ٹھہر کر اطمینان اور معانی کے تدبر اور اس کیفیت کا لحاظ کرتے ہوئے پڑھنا جس طرح اللہ تعالیٰ نے پڑھا اور نبی کریم صلی اللہ علیہ وسلم کوحکم دیا۔ ‘‘ تو معلوم یہ ہوا کہ ترتیل کہتے ہیں کہ قرآن مجید کو اس کیفیت کے ساتھ پڑھنا جس طرح اللہ جل شانہ نے پڑھ کر فرشتے جبریل علیہ السلام کو سنا یا اور پھر اپنے نبی کریم صلی اللہ علیہ وسلم کو حکم دیا۔ تو قرآن مجید میں اللہ تعالیٰ فرماتے ہیں کہ {وَرَتَّلْنَاہُ تَرْتِیْلًا} (الفرقان:32)’’اور ہم نے اسے (قرآن مجید کو ) ٹھہر ٹھہر کر ہی (ترتیل کے ساتھ ) پڑھ کر سنایا ہے ‘‘…اور اسی طرح اُترا ہے، چنانچہ ابوہریرہ رضی اللہ عنہ بیان کرتے ہیں کہ اللہ تعالیٰ کے رسول صلی اللہ علیہ وسلم نے فرمایا:

[1] فتح القدیر: 5/419 وابن کثیر:4/559 والمعجم الوسیط: 1،2/227، والمنجد:368 وعمدۃ العرفان: 25۔