قرآن مجید کے حقوق

(قراء ت عشرہ) متواتر ہیں اس میں کسی قسم کے شک کی گنجائش نہیں جو شک کرتا ہے وہ معانداور جاہل ہے۔ [1] اور آج تک لا تعدادکتابیں لکھی گئیں جو ساری اس بات کی دلیل قاطع ہیں کہ اللہ جل شانہ نے {وَإِنَّا لَہٗ لَحَافِظُوْنَ}کہا تھا وہ سچا ہے اور مستشرقین اور ان کے اقوال سے متاثر ہونے والوں کے زَعامیم واَفکارِ خبیث جھوٹے ہیں کہ سات حروف میں سے ایک باقی بچا ہے، باقی حذف ہو گئے ہیں۔ قراء ات متواترہ نہیں، بلکہ قاریوں کی گھڑی ہوئی ہیں۔ تو قرآن مجید کے اس پہلے حق کا خلاصہ یہ ہے کہ ہر مسلمان پر واجب ہے کہ وہ زبان سے اقرار کرے اور دل سے تصدیق کرے کہ قرآن مجید اللہ تعالیٰ کا کلامِ حقیقی ہے اور محمد صلی اللہ علیہ وسلم پر جبریل علیہ السلام کے ذریعے اترا تھا اور جس طرح سات حروف (قراء ت عشرہ ) میں اترا تھا، اسی طرح من و عن محفوظ و مصون ہے اور ہم تک پہنچا ہے اس میں کسی قسم کا شک نہیں جیساکہ علامہ اقبال نے کہا تھا : حرفِ او را ریب نے، تبدیل نے آ یہ اش شرمندہ تاویل نے ’’قرآن مجید میں، نہ کسی حرف میں کوئی تبدیلی یا ترمیم ہوئی ہے اور نہ ہی اس میں کوئی شک والی بات ہے اور اس کی آیات درحقیقت تاویل کی محتاج نہیں ہیں اور وہ آیات خود اپنی جگہ پر واضح اور بینات کی حیثیت رکھتی ہیں۔ ‘‘

[1] ملاحظہ ہو: غایۃ الوصول شرح لب الأصول لزکریا الأنصاری :34 والدراللوامع لابن أبی شریف:78، ومفاتیح الأصول للطباطبی وبدیع النظام لابن ساعاتی:56 و فتح الغفار لا بن النجیم:1/78، والمغنی للقاضٰ عبدالجبار:159،160 وحصول المأمول للسید صدیق حسن بہادر:35،والبرہان للزرکشی:1/322، وأثر القراء ت فی الفقہ الإسلامی:130،132 وتیسیر التحریر فی أصول الفقہ لأمیر بادشاہ:3/12 ومنجد المقرئین:129 والفقہ الأکبر شرح ملا علی القاری:167 وکتاب السبعۃ : 49۔52 والإبانۃ للمکی:60 والإعلام:1/261 وأبحاث فی قرائت القرآن الکریم لعبد الفتاح القاضی:25،26)