قرآن مجید کے حقوق

وقت عرب میں بھی تھی اور آج بھی پائی جاتی ہے عرب میں آپ یمن سے لے کر شام تک چلے جائیں آپ کو لہجے اور تلفظ بدلتے ہوئے ملیں گے۔ ایک ہی مضمون کو عرب کے ایک حصے میں کسی اور طرح ادا کرتے ہیں اور دوسرے حصے میں کسی اور طرح۔ لیکن اس اختلاف کے باوجود معنی میں کوئی فرق واقع نہیں ہوتا۔ دوسری چیز جو ان کے نزول کاسبب بنی وہ یہ تھی کہ رسالتماب صلی اللہ علیہ وسلم کو عرب و عجم سرخ وسفید و سیاہ تمام مخلوق کی طرف بھیجا گیا اور قرآن عرب کی لغت میںنازل ہوا تھا اور عرب کی لغات بھی جدا جدا تھیں زبانیں متفرق تھیں ایک لغت والے کو دوسروں کی لغت میں پڑھنا دشوار تھا بلکہ بعض تو پڑھ ہی نہیں سکتے تھے بلکہ سمجھ بھی نہیں سکتے تھے جیسا کہ روایات میں آتا ہے کہ نبی کریم صلی اللہ علیہ وسلم کی حیات طیبہ میں ایک وفد آیا تھا اور وہ لوگ آکر جب آپ صلی اللہ علیہ وسلم سے گفتگو کر رہے تھے تو صحابہ رضی اللہ عنہم کہتے ہیں کہ ہماری سمجھ میں نہیں آرہا تھا کہ یہ کیا کہہ رہے ہیں۔ تو اسی طرح دوسری قوم کے انداز قرأت میں پڑھنا تعلیم و تدبر سے بھی ممکن نہیں تھا خصوصاً بوڑھوں، عورتوں، ان پڑھ لوگوں کو تو اور بھی دشواری تھی جیسا کہ نبی کریم صلی اللہ علیہ وسلم نے اپنے ارشاد سے اس کی طرف اشارہ فرمایا تو پس اگر ہر حالت میں یہ حکم ہوتا کہ ایک ہی حرف پر قرآن مجید پڑھنا ہے تو یہ چیز ان کی طاقت سے باہر ہوتی یا سخت مشقت درپیش ہوتی اور طبیعتیں قرآن کی تلاوت سے مشکل محسوس کرتیں یہ تو ان لوگوں کے بارے میں ہے جو اہل عرب تھے چہ جائیکہ کہ جو عجم ہوں ان کے لیے تو تکلیف مالا یطاق واضح ہے اور اسلام کا میزہ آسانی ہے اور یہ ممکن نہیں تھا کہ ایک ایسا حکم آجاتا کہ جس کی طاقت ہی نہ ہوتی پس اللہ تعالیٰ نے جس طرح اُمت کو دین میں آسانی دی تھی اسی طرح اپنے لطف و کرم وانعام سے قرآن مجید کو پڑھنے میں بھی وسعت کر دی تاکہ آسانی ہو جائے اور اُمت سے رَحمت کا معاملہ ہو جائے۔ چنانچہ مذکورہ تقریر سے یہ بات واضح ہوئی کہ اللہ تعالیٰ کی مشیت اور ارادہ تھا اُمت پر رحمت کرنے کا اور اس کو پورابھی کیا اور ہم پر واجب ہے کہ ہمارا ایمان و یقین محکم ہو کہ قرآن مجید سات حروف میں نازل ہوا ہے۔ قرآن مجید کے اس وصف کے نزول کی توجیہ