قرآن مجید کے حقوق

لباس پہنا دے تو اس کو کرامت کا تاج پہنا یا جائے گا پھر قرآن مجید کہے گا اے میرے رب اور زیادہ کر، پھر اس قاری کو کرامت کی خلعت فاخرہ پہنائی جائے گی پھر کہے گا اے میرے رب اس سے راضی ہو جا تو اللہ تعالیٰ اس پر راضی ہو جائیں گے پھر کہیں گے اب تو پڑھ اور سیڑھیاں چڑھ ہر آیت کے ساتھ ایک نیکی زیادہ کی جائے گی۔ ‘‘ کیا ہی شان ہے اس قرآن مجید کی۔ قیامت کی ان ہولناکیوں میں یہ شرف اورمرتبے دلائے گا، جن میں سب سے بڑا مرتبہ اللہ مالک الملک کی رضا لے کر دے گا اور کیوں نہ لے کر دے اس لیے کہ قرآن پڑھنے والے تو اللہ تعالیٰ کے خاص بندے ہوتے ہیں جیسا کہ اللہ تعالیٰ کے رسول صلی اللہ علیہ وسلم کا فرمان حضرت علی رضی اللہ عنہ سے مروی ہے: ((أَہْلُ الْقُرْآنِ أَہْلُ اللّٰہِ وَخَاصَّتُہٗ۔))[1] ’’اہل قرآن اللہ والے اور اس کے خاص بندے ہوتے ہیں۔ ‘‘ اور انس رضی اللہ عنہ فرماتے ہیں کہ اللہ تعالیٰ کے رسول صلی اللہ علیہ وسلم نے فرمایا: ((إِنَّ لِلّٰہِ تَعَالٰی أَہْلِیْنَ مِنَ النَّاسِ۔)) ’’بے شک اللہ تعالیٰ کے کچھ خاص دوست ہوتے ہیں۔ ‘‘ جب پوچھا گیا کہ وہ کون ہیں؟ تو فرمایا: ((أَہْلُ الْقُرْآنِ ہُمْ أَہْلُ اللّٰہِ وَخَاصَّتُہٗ۔) ) [2] ’’قرآن والے اہل اللہ ہیں اور خاص لوگ ہیں۔ ‘‘ یہ راز کسی کو معلوم نہیں کہ مومن قاری نظر آتا ہے حقیقت میں ہے قرآن

[1] صحیح الجامع:2528 [2] صحیح الجامع: 2165