قرآن مجید کے حقوق

’’قرآن مجید اللہ تعالیٰ کی رسی ہمارے درمیان ہے لہٰذا شکاری بن کر دُشمنوں کے مکر و فریب کا اس قرآن ہی کے ذریعے مقابلہ کرو۔ ‘‘ اور جبیر رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا: ((أَبْشِرُوْا فَإِنَّ ہٰذَا الْقُرْآنَ طَرَفُہٗ بِیَدِ اللّٰہِ وَطَرَفُہٗ بِأَیْدِیْکُمْ فَتَمَسَّکُوْا بِہٖ فَإِنَّکُمْ لَنْ تَہْلِکُوْا وَلَنْ تَضِلُّوْا بَعْدَہٗ أَبَدًا۔)) [1] ’’خوش ہوجاؤ اس قرآن کا ایک کنارہ اللہ تعالیٰ کے ہاتھ میں ہے اور دوسرا کنارہ تمھارے ہاتھوں میں ہے پس اس کو مضبوطی سے تھام لو بے شک اس کے بعد نہ تم ہلاک ہو گے اور نہ ہی گمراہ ہو گے۔ ‘‘ اور حقیقت بھی یہ ہے کہ اس قرآن مجید اور حبل اللہ کو جب تلک مسلمانوں نے پکڑے رکھا پوری کائنات پر ان کا قبضہ رہا اور جونہی یہ کنارہ چھوٹا زندگی کی لذتیں اور حلاوتیں اپنا پلو (کنارہ) چھڑا گئیں اور اضطرابات، تنزل اور پریشانیوں نے ڈیرے ڈال لیے۔ ہمارا ایمان ہے کہ اگر آج بھی اس قرآن مجید کو تھام لیا جائے تو وہی شان و شوکت، رعب و دبدبہ، دولت و ثروت، حکومت و اقتدار مسلمانوں کے قدم چوم سکتے ہیں۔ اللہ تعالیٰ ہمیں اس رسی کو تھامنے کی توفیق عطاء فرمائے۔ ( آمین ) 2۔ قرآن مجید نور اور ہدایت کا منبع و مصدر ہے : قرآن مجید نور و ہدایت کا منبع و مصدر ہے چنانچہ زید بن اَرقم بیان کرتے ہیں کہ رسول کائنات صلی اللہ علیہ وسلم نے فرمایا: ((أَمَّا بَعْدُ أَلَا یَا أَیُّہَا النَّاسُ فَإِنَّمَا أَنَا بَشَرٌ یُوْشِکُ أَنْ یَأْتِیْنِیْ رَسُوْلُ رَبِّیْ فَأُجِیْبَ وَأَنَا تَارِکٌ فِیْکُمْ ثَقَلَیْنِ أَوَّلُہُمَا کِتَابُ اللّٰہِ فِیْہِ الْہُدٰی وَالنُّوْرُ مَنِ اسْتَمْسَکَ بِہٖ وَأَخَذَ بِہٖ کَانَ عَلَی الْہُدٰی وَمَنْ أَخْطَأَ ضَلَّ فَخُذُوْا بِکِتَابِ اللّٰہِ وَاسْتَمْسِکُوْا

[1] صحیح الجامع :34 والصحیحۃ: 713۔