قرآن مجید کے حقوق

البتہ عقل والوں کے لیے نشانیاں ہیں۔‘‘ تو میرے بھائی ! تفکر کرنے کے لیے انسان بار بار پڑھے گا تو ایک تو ثواب میں اضافہ اور دوسرا کوئی بھی صاحب فکر جو خرد کی کسی گتھی کو سلجھانے میں مگن ہوتا ہے اور سخت الجھن میں ہوتا ہے تو اس غور و فکر اور بار بار پڑھنے سے اس کی فوری گتھی سلجھ جائے گی اور الجھن کا حل ہو جائے گا اسی لیے کسی نے کیا خوب کہا تھا : تَفَقَّہْ فَإِنَّ الْفِقْہَ أَعْظَمُ قَائِد إِلٰی الْبِرِّ وَالتَّقْوٰی وَأَعْدِلْ قَاصِدٌ فَإِنَّ فَقِیْہً وَاحِدًا مُتَوَرِّعًا أَشَدُّ عَلٰی الشَّیْطَانِ مِنْ أَلْفِ عَابِدٍ ’’فقہ فی الدین حاصل کرو کیونکہ دین میں سمجھ بوجھ ( جس کا منبع و مصدر قرآن مجید وسنت رسول صلی اللہ علیہ وسلم ہے ) بہت بڑا قائد ہے جو کہ نیکی اور تقویٰ کی طرف لیجاتا ہے اور بہت ہی عدل والا قاصد ہے بے شک ایک نیک فقیہ ایک ہزار عبادگ گزاروں سے بھی شیطان پر بھاری اور شدید ہوتا ہے۔ ‘‘ لیکن افسوس ہے آج کے مسلمان پر کہ اس کو دین سمجھنے کی فرصت ہی نہیں۔ فرصت ہے تولوگوں کی دعوتوں پر جانے کی، سیر کرنے کی اور دوستوں کے ساتھ رنگ رلیاں منانے کی اور فخر مفاخرت کے لیے تعلق جوڑنے کی حالانکہ لوگوں کی ملاقاتیں اسے نہ دنیا میں عزت دے سکتی ہیں نہ آخرت میں۔ اس لیے کسی نے کہا تھا : لِقَائَ النَّاسِ لَیْسَ یُفِیْدُ شَیْئًا سِوٰی الْہَذْبَانِ من قِیْلَ وَقَالَ فَأَقْلِلْ مِنْ لِّقَائِ النَّاسِ إِلَّا لِأَخَذِ الْعِلْمِ أَوْ إِصْلَاحِ حَالٖ ’’لوگوں کی ملاقات کچھ فائدہ نہیں دیتی سوائے قیل و قال (باتوں کی ) کی