قرآن مجید کے حقوق

لوگ اس کی آیات میں تدبر کریں اور سمجھ دار لوگ نصیحت حاصل کریں۔ ‘‘ تو اس سے معلوم ہوا کہ قرآن مجید کے نزول کا مقصد اعظم ایمان لانے کے بعد اس کو پڑھ کر سمجھنا ہے تاکہ عمل کے مدارج اور جملہ وادیاں طے کی جاسکیں لیکن اگر سمجھے گا ہی نہیں تو پھر عمل کیسے کرے گا ؟ اسی لیے جو لو گ قرآن مجید میں اختلاف کرتے تھے ان کوڈانٹتے ہوئے اللہ تعالیٰ فرماتے ہیں : {اَفَلَا یَتَدَبَّرُوْنَ الْقُرْاٰنَ وَ لَوْ کَانَ مِنْ عِنْدِ غَیْرِ اللّٰہِ لَوَجَدُوْا فِیْہِ اخْتِلَافًا کَثِیْرًاo} (النسائ: 82) ’’کیا یہ لوگ قرآن میں تدبر نہیں کرتے ؟ اور اگر یہ قرآن اللہ تعالیٰ کی طرف سے نازل شدہ نہ ہوتا تو اس میں وہ بڑااختلاف پاتے۔ ‘‘ لیکن اختلاف کا نہ ہونا اس کی دلیل ہے کہ یہ اللہ تعالیٰ کی طرف سے نازل شدہ ہے اور کسی چیز کے اختلاف کا ادراک بغیر تدبر کے ممکن نہیں۔ اس لیے حقانیت کو پانے کے لیے تدبر کو جزوِلاینفک کی حیثیت دے کر عقل و خرد پر لگے تالے توڑنے کا حکم دیا گیاہے چنانچہ ارشاد ربانی ہے: {اَفَلاَ یَتَدَبَّرُوْنَ الْقُرْاٰنَ اَمْ عَلٰی قُلُوْبٍ اَقْفَالُہَاo} (محمد:24) ’’کیا یہ قرآن پر تدبر نہیں کرتے ؟ یا ان کے دلوں پر قفل (تالے ) لگے ہوئے ہیں۔‘‘ کیسا زجر کا انداز ہے اسی لیے صحابہ کرام رضی اللہ عنہم کا معمول تھا کہ وہ دس آیتیں پڑھتے تو جب تک اس کے معانی نہ سمجھ لیتے آگے نہ بڑھتے جیسا کہ ابن مسعود رضی اللہ عنہ فرماتے ہیں : ((کَانَ الرَّجُلُ مِنَّا إِذَا تَعَلَّمَ عَشْرَ آیَاتٍ لَمْ یُجَاوِزْہُنَّ حَتّٰی یَعْرِفَ مَعَانِیَہُنَّ وَالْعَمَلَ بِہِنَّ۔)) [1] ’’ہم سے جو آدمی دس آیتیں سیکھتا تو جب تک اس کے معانی نہ جان لینا اور اس پر عمل نہ کرلیتا آگے نہ بڑھتا۔ ( یعنی ان کو اچھی طرح سمجھتا اور عمل کرتا پھر اس

[1] تفسیر الطبری:1/80 بتحقیق أحمد شاکر، وتحفۃ الأخیار: 5180،5179 والحاکم:1/557۔