قرٖآن مجید کا رسم و ضبط

((وَلَا شَکَّ أَنَّ الْقُرْآنَ نُسِخَ مِنْہُ، وَغُیِّرَ فِیْہِ فِیْ الْعَرْضَۃِ الْأَخِیْرَۃِ، فَقَدْ صَحَّ النَّصُّ بِذٰلِکَ عَنْ غَیْرِ وَاحِدٍ مِنَ الصَّحَابَۃِ، وَرَوَیْنَا بِإِسْنَادٍ صَحِیْحٍ عَنْ زِرِّ بْنِ حُبَیْشٍ قَالَ: قَالَ لِیْ ابْنُ عَبَّاسٍ: أَیُّ الْقِرَآئَ تَیْنَ تَقْرَأُ؟ قُلْتُ: الْأَخِیْرَۃَ، قَالَ: فَإِنَّ النَّبِیَّ کَانَ یَعْرِضُ الْقُرْآنَ عَلیٰ جِبْرِیْلَ فِی کُلِّ عَامٍ مَرَّۃً، قَالَ: فَعَرَضَ عَلَیْہِ الْقُرْآنَ فِی الْعَامِ الَّذِیْ قُبِضَ فِیْہِ النَّبِیُّ مَرَّتَیْنِ، فَشَھِدَ عَبْدُ اللّٰہ… یَعْنِیْ عَبْدَ اللّٰہِ بْنَ مَسْعُوْدٍ… مَا نُسِخَ مِنْہُ وَمَا غُیِّرِ، فَقِرَآئَۃُ عَبْدِ اللّٰہِ الْأَخَیْرَۃُ)) [1] ’’اس امر میں کوئی شک نہیں ہے کہ عرضۂ أخیرہ کے دوران قرآن مجید کا کچھ حصہ منسوخ کر دیا گیا تھا، اور اس میں تبدیلی کر دی گئی تھی، اور یہ بات ایک سے زائد صحابہ کرام رضی اللہ عنہم سے صحیح نص کے ساتھ ثابت ہے۔ہم نے صحیح سند کے ساتھ سیدنا زر بن حبیش رضی اللہ عنہ سے نقل کیا ہے۔ وہ فرماتے ہیں، مجھ سے سیدنا عبد اللہ بن عباس رضی اللہ عنہ نے پوچھا: تم کس قراءت کے مطابق پڑھتے ہو؟ میں نے کہا: قراءت أخیرہ کے مطابق۔ راوی فرماتے ہیں، نبی کریم صلی اللہ علیہ وسلم ہر سال جبریل علیہ السلام کے ساتھ ایک دفعہ دور فرمایا کرتے تھے اور جس سال آپ نے وفات پائی، اس سال آپ نے دو دفعہ دور فرمایا اور سیدنا عبدا للہ بن مسعود رضی اللہ عنہ بھی اس آخری دور میں حاضر تھے۔ چنانچہ آپ کو منسوخ التلاوۃ اور مبدلہ حروف کا علم تھا۔ لہٰذا قراءت أخیرہ سے مراد سیدنا عبد اللہ بن مسعود رضی اللہ عنہ کی قراءت ہے۔‘‘ اس امر میں کوئی شک نہیں ہے کہ صحابہ کرام رضی اللہ عنہم نے مصاحف عثمانیہ میں صرف وہی لکھا تھا جس کا قرآن ہونا متحقق تھا، اور وہ عرضۂ أخیرہ میں ثابت تھا اور منسوخ التلاوۃ نہیں تھا۔ اس کے بعد علامہ جزری رحمہ اللہ فرماتے ہیں: ’’صحابہ کرام رضی اللہ عنہم نے ان مصاحف کو نقطوں اور حرکات سے خالی رکھا تھا تاکہ ایک ہی رسم سے دو مختلف مسموع، منقول اور ثابت شدہ قراء ات پڑھی جا سکیں۔ انہوں نے نہ تو قرآن مجید کا کوئی ثابت حصہ ساقط کیا تھا اور نہ ہی اس کی قراءت سے منع فرمایا تھا۔‘‘[2] مذکورہ کلام سے اس تیسری رائے کی ترجیح اور سابقہ دونوں مذاہب کا ضعف ظاہر ہوتا ہے۔ عصر حاضر میں معروف قراء ات سبعہ اور قراء ات عشرۃ، عصر اول میں پڑھی جانے والی قراء ات مشہورہ کا ایک چھوٹا سا حصہ ہیں۔ ہر صاحب علم اس سے بخوبی آگاہ ہے۔ کیونکہ جن

[1] النشر: ۱/۳۲. [2] النشر: ۱/۳۱.