قراءات قرآنیہ، تعارف وتاریخ

’’یہ مشہور مقریٔ ہیں، اہل علم نے ان کو ضعیف کہا ہے۔‘‘ مجاہد بن جبر رحمہ اللہ کے ترجمہ میں فرماتے ہیں: ((وَلَہُ اخْتِیَارٌ فِی الْقِرَآئَ ۃِ رَوَاہُ الْھُذَلِیُّ فِیْ کَامِلِہٖ بِاسْنَادٍ غَیْرِ صَحِیْحٍ)) [1] ’’آپ کا قراء ت میں ایک اختیار ہے، جسے امام ہذلی رحمہ اللہ نے اپنی ’’کامل‘‘ میں غیر صحیح اسناد کے ساتھ روایت کیا ہے۔‘‘ امام ذہبی رحمہ اللہ اپنی طبقات میں یحییٰ بن آدم مرسی رحمہ اللہ کے ترجمہ میں فرماتے ہیں: ((وَسَمِعْتُ بَعْضَہُمْ یُضَعِّفُہُ، وَیُنْسِبُہُ اِلٰی الْکِذْبِ وَاِلٰی ادِّعَآئِ الرِّوَایَۃِ عَمَّنْ لَمْ یَلْقَہُ وَلَا أَجَازَ لَہُ وَیُشْبِہُ أَنْ یَکُوْنَ ذٰلِکَ فِیْ وَقْتِ اخْتِلَاطِہٖ لِأَنَّہُ اخْتَلَطَ فِیْ آخِرِ عُمْرِہٖ)) [2] ’’میں نے بعض اہل علم کو اس کی تضعیف کرتے، اور اسے کذب، اور ایسے لوگوں سے روایت کرنے کا دعویٰ کرنے، کی طرف منسوب کرتے ہوئے سنا ہے، جن سے آپ کی ملاقات نہیں ہے، اور نہ ہی انہوں نے آپ کو روایت کی اجازت دی ہے، مجھے لگتا ہے کہ شاید یہ حکم ان کے اختلاط کے وقت کے بارے میں ہے، کیونکہ آخری عمر میں آپ کو اختلاط ہوگیا تھا۔‘‘ ان کے بارے میں مزید فرماتے ہیں: ((وَقَدْ وَقَعَ لَنَا سَنَدُہُ بِالْقِرَآئَ اتِ عَالِیًا وَفَرِحْنَا بِہٖ وَقْتًا، ثُمَّ أُوْذِیْنَا فِیْہِ وَبَانَ لَنَا ضُعْفُہُ)) ’’اور ہمیں قراءات میں ان کی عالی سند ملی، جس کے ساتھ ایک وقت تک ہم خوش رہے، پھر ہمیں ان کے بارے میں تکلیف پہنچی اور ان کا ضعف ہم پر واضح ہوگیا۔‘‘

[1] الطبقات للجزری: ۲/۴۳. [2] الطبقات للذہبی: ۱/۳۶۴.