قرض کے فضائل ومسائل

ز: جنت میں داخلہ حضرات صحابہ رضی اللہ عنہم تنگ دست اور نادار مقروضوں سے انتہائی ہمدردانہ اور مشفقانہ رویہ اختیار کرتے۔ اس سلسلے میں کتاب میں بیان کردہ واقعات کا خلاصہ یہ ہے، کہ ایک صحابی نے اپنے مقروض کا آدھا قرض معاف کر دیا۔ دوسرے نے قرض کی مکمل معافی یا ادائیگی میں آسانی، دونوں میں سے ایک کے چناؤ کا اپنے مقروض کو اختیار دیا۔ تیسرے نے اپنے مقروض کو قرض کا اقرار نامہ واپس کرتے ہوئے قرض کی پوری رقم سے دست بردار ہونے کی خبر دی۔ اور چوتھے نے قرض کے اقرار نامہ کو اپنے ہاتھ سے ضائع کر دیا۔ رضی اللّٰه عنہم وأرضاھم۔ ۶:ادائیگی قرض کی تلقین: مقروض کے پاس قرض ایک امانت ہے اور اللہ عزوجل نے امانتوں کا ان کے حق داروں کو ادا کرنے کا حکم دیا ہے۔ نبی کریم صلی اللہ علیہ وسلم نے ادائیگی قرض کے سچے ارادے اور عمدگی سے ادا کرنے کے فوائد و برکات بیان فرما کر قرض کی واپسی کی زور دار ترغیب دی ہے: ۱: اللہ تعالیٰ کا قرض کو ادا کروا دینا۔ اس سلسلے میں آنحضرت صلی اللہ علیہ وسلم نے امت کو بنی اسرائیل کے ایک شخص کے واقعہ کی خبر دی۔ ب: اللہ تعالیٰ کی مدد کا حاصل ہونا ج: اللہ تعالیٰ کی طرف سے محافظ کا ملنا د: رزق کا میسر آنا