نمازِ پنجگانہ کی رکعتیں مع نماز وتر و تہجد

نمازِ جمعہ کی فرض رکعتیں: نمازِ جمعہ کی صرف دورکعتیں فرض ہیں،جیسا کہ سنن نسائی میں حضرت عمر فاروق رضی اللہ عنہ سے مروی ہے کہ صلوٰہِ عید الاضحیٰ،نمازِعید الفطر،نمازِ سفر یا قصر اور جمعہ کی دو دو ہی رکعتیں ہیں۔[1] ان میں قراء ت: اس بات پر پوری امتِ اسلامیہ کا اتفاق ہے کہ ان دونوں رکعتوں کی قراء ت بھی(فجر اور مغرب و عشاء کی پہلی دو رکعتوں کی طرح)جہری ہے۔اور یوں تو ان دونوں رکعتوں میں سورۂ فاتحہ کے بعد کوئی بھی سورت یا قرآن کا کوئی بھی حصہ پڑھا جا سکتا ہے،لیکن مستحب یہ ہے کہ پہلی رکعت میں سورۂ اعلیٰ(سَبِّحِ اسْمَ رَبِّکَ الْأَعْلیٰ)اور دوسری رکعت میں سورۂ غاشیہ(ھَلْ أَتَاکَ حَدِیْثُ الْغَاشِیَۃِ)پڑھی جائیں،کیونکہ صحیح مسلم وابوداؤد،ترمذی،ابن ماجہ اور مسند احمد میں حضرت نعمان بن بشیر ص سے مروی ہے کہ نبی اکرم صلی اللہ علیہ وسلم عیدین اور جمعہ کی نماز میں سورۂ اعلیٰ اور سورۂ غاشیہ پڑھا کرتے تھے۔[2] مذکورہ کتب ِ حدیث میں حضرت نعمان بن بشیر ص سے مروی دوسری روایت میں عیدین کا ذکر تو نہیں،البتہ یہ صراحت موجود ہے کہ نبی اکرم صلی اللہ علیہ وسلم جمعہ کی پہلی رکعت میں سورۂ جمعہ اور دوسری میں سورۂ غاشیہ پڑھا کرتے تھے۔[3] ابوداؤد،ترمذی،ابن ماجہ اور مسند احمد میں حضرت عبداللہ بن رافع صبیان فرماتے ہیں کہ مروان نے حضرت ابوہریرہ ص کو مدینہ منو ّرہ کا حاکم مقرر کیا اور خود مکہ مکرمہ چلا گیا۔انھوں نے جمعہ کی پہلی رکعت میں سورۂ جمعہ اور دوسری میں(إِذَا جَآئَ کَ الْمُنَافِقُوْنَ)پڑھی،میں نے نماز کے بعد ان سے کہا کہ آپ نے نماز میں وہی دو سورتیں پڑھی ھیں جو کوفہ میں حضرت علیصپڑھا کرتے تھے تو حضرت ابوہریرہ صنے فرمایا کہ میں نے نبی اکرم صلی اللہ علیہ وسلم کو جمعہ کے روز یہ دوسورتیں پڑھتے سناہے۔[4] ان احادیث میں مذکورترتیب وار سورتوں کوپڑھا جائے تو مستحب ہے ورنہ کوئی بھی سورت اور قرآن ِ کریم کا کوئی بھی حصہ پڑھا جا سکتا ہے۔

[1] جامع ا لأصول لا بن ا لأثیر ۶؍۱۳۲۔ [2] مسلم مع النووی ۳؍۶؍۱۶۷،ابوداؤد مع العون ۳؍۴۷۲،ترمذی مع التحفہ ۳؍۵۵،الفتح الربانی ۶؍۱۱۲۔ [3] مسلم ۳؍۶؍۱۶۷،ابوداؤد ۳؍۴۷۴،الفتح الربانی ۶؍۱۱۲۔ [4] مسلم ۳؍۶؍۱۶۶،ابوداؤد ۳؍۴۷۴،ترمذی ۳؍۵۴،الفتح الربانی ۶؍۱۱۱۔۱۱۲۔