نماز نفل کتاب و سنت کی روشنی میں

مسلمان جب اپنے اندر نشاط محسوس کرے تو بارہ رکعات پڑھ لے ، اور جب اسے کوئی مشغولیت ہو تو وہ دس رکعات بھی پڑھ سکتا ہے ، لیکن بارہ رکعات پڑھنا افضل ہے ، اور یہ سب فرض نمازوں کی سنتیں ہیں ۔ [ یہ بات انہوں نے بلوغ المرام کی حدیث نمبر ۳۷۴ کی شرح کرتے ہوئے بیان کی ] 2. فرض نمازوں کی مؤکدہ اور غیر مؤکدہ سنتوں کی تفصیل 1. ظہر سے پہلے چار رکعات ، اور اسی طرح اس کے بعد بھی چار رکعات ، جیسا کہ حضرت ام حبیبہ رضی اللہ عنہا سے روایت ہے کہ رسول اکرم صلی اللہ علیہ وسلم نے ارشاد فرمایا : ( مَنْ حَافَظَ عَلیٰ أَرْبَعِ رَکْعَاتٍ قَبْلَ الظُّہْرِ ، وَأَرْبَعٍ بَعْدَہَا حَرَّمَہُ اللّٰہُ عَلَی النَّارِ ) ترجمہ : ’’جوآدمی ظہر سے پہلے چار رکعات اور اس کے بعد بھی چار رکعات پر ہمیشگی کرتا ہے اسے اللہ تعالی جہنم کی آگ پر حرام کردیتا ہے‘‘ [ احمد فی المسند ۶/۳۲۶ ، ابوداؤد : ۱۲۶۹ ، الترمذی : ۴۲۷ وقال : حدیث حسن ، والنسائی : ۱۸۱۴ ، وابن ماجہ : ۱۱۶۰، وصححہ الألبانی ۔ اور میں نے امام ابن باز رحمۃ اللہ علیہ سے بلوغ المرام کی حدیث ۳۸۱ کی شرح کے دوران سنا تھاکہ اس حدیث کی سند اچھی ہے ، لیکن جس بات پر نبی کریم صلی اللہ علیہ وسلم نے ہمیشگی کی وہ ‘ وہ ہے جس کا ذکر حدیثِ ابن عمر رضی اللہ عنہ اور حدیثِ عائشہ رضی اللہ عنہا میں ہے ۔ اور میں نے انہیں اپنی زندگی کے آخر میں دیکھا کہ آپ ظہر سے پہلے اور اسی طرح اس کے بعد بھی چار رکعات بیٹھ کر پڑھتے تھے ] 2. عصر سے پہلے چار رکعات حضرت ابن عمر رضی اللہ عنہ روایت کرتے ہیں کہ رسول اللہ صلی اللہ علیہ وسلم نے ارشاد فرمایا : ( رَحِمَ اللّٰہُ امْرَئً ا صَلّٰی قَبْلَ الْعَصْرِ أَرْبَعًا )