نماز نفل کتاب و سنت کی روشنی میں

کہ میں وہاں نماز پڑھوں ؟ ‘‘ ، انہوں نے اپنی پسندیدہ جگہ کی طرف اشارہ کیا ، تو آپ صلی اللہ علیہ وسلم کھڑے ہو گئے اور ہم نے آپ صلی اللہ علیہ وسلم کے پیچھے صف بنا لی ، آپ صلی اللہ علیہ وسلم نے تکبیر کہی ، پھر دو رکعات پڑھیں ، پھر سلام پھیرا ، اور ہم نے بھی آپ کے ساتھ ہی سلام پھیرا ۔۔۔۔ اور اسی حدیث کے آخر میں ہے کہ ( فَإِنَّ اللّٰہَ حَرَّمَ عَلیَ النَّارِ مَنْ قاَلَ : لاَ إِلٰہَ إِلاَّ اللّٰہُ ، یَبْتَغِیْ بِذٰلِکَ وَجْہَ اللّٰہِ ) ترجمہ : ’’ اللہ تعالی نے اس شخص کو جہنم کی آگ پر حرام کردیا ہے جس نے خالصتا اللہ کی رضا کیلئے لا إلہ إلا اللہ کہا ۔‘‘ [ البخاری : ۱۱۸۶ ، مسلم : ۳۳ ] ان تمام احادیث میں اس بات کی دلیل ہے کہ ماہِ رمضان المبارک کی نماز ِتراویح کے علاوہ بھی نفل نماز باجماعت پڑھی جا سکتی ہے ، لیکن اسے ہمیشہ کیلئے عادت بنانا درست نہیں ہے ، کبھی کبھی ایسے کیا جا سکتا ہے ، کیونکہ نبی کریم صلی اللہ علیہ وسلم کی اکثر وبیشتر نفل نماز اکیلے ہی ہوتی تھی ۔ [ شرح صحیح مسلم للنووی : ۵/۱۶۸، نیل الأوطار :۲/۲۷۵ ، المغنی لابن قدامہ : ۲/۵۶۷، الشرح الممتع لابن عثیمین :۴/۸۳]