نماز نفل کتاب و سنت کی روشنی میں

وَإِذَا أَصْبَحْتَ فلَاَ تَنْتَظِرِ الْمَسَائَ ، وَخُذْ مِنْ صِحَّتِکَ لِمَرَضِکَ ، وَمِنْ حَیَاتِکَ لِمَوْتِکَ ) ترجمہ : ’’ جب تم شام کر لو تو صبح کا انتظار مت کرو ، اور جب تم صبح کر لو تو شام کا انتظار مت کرو ، اور اپنی صحت کے دوران اپنی بیماری کے دنوں کیلئے اور اپنی زندگی کے دوران اپنی موت کیلئے عمل کر لو ‘‘ [ البخاری : ۶۴۱۶ ] امام بخاری رحمۃ اللہ علیہ نے کیا خوب کہا ہے : اغتنم فی الفراغ فضل رکوع فعسی أن یکون موتک بغتۃ کم صحیح رأیت من غیر سقم ذہبت نفسہ الصحیحۃ فلتۃ ترجمہ : ’’ فراغت کے اوقات میں رکوع کی فضیلت کو غنیمت سمجھو ، کیونکہ عین ممکن ہے کہ تمہاری موت اچانک آ جائے ، اور میں نے کتنے صحتمند دیکھے ہیں جن کی صحتمند جانیں اچانک رخصت ہو گئیں ‘‘ [ ہدی الساری لابن حجر : ۴۸۱ ] اور جب امام بخاری رحمۃ اللہ علیہ کو امام عبد اللہ بن عبد الرحمن الدارمی الحافظ رحمۃ اللہ علیہ کی وفات کی خبر ملی تو انہوں نے کہا : إن عشت تفجع بالأحبۃ کلہم وبقاء نفسک لا أبا لک أفجع ترجمہ : ’’ اگر آپ زندہ رہتے تو تمام احباب کے صدمے آپ کو سہنے پڑتے ، ا ور تمہاری بقاء اللہ نہ کرے اور بھی صدمے کا باعث ہے ۔‘‘ اور ایک اور شاعر نے کیا خوب کہا ہے : صلاتک نور والعباد رقود ونومک ضد للصلاۃ عنید وعمرک غنم إن عقلت ومہلۃ یسیر ویفنی دائبا ویبید