نبی کریم صلی اللہ علیہ وسلم بحیثیت معلم

السَّاکِنَ وَیبعثُ الْکَامِنَ، وَھٰذَا النَّوْعُ إِذَا کَانَ فِي شِعر فِیْہِ وَصْفُ مَحَاسِنِ النِّسَآئِ وَالْخَمْرِ وَغَیْرِھِمَا مِنَ الْأُمُوْرِ الْمُحَرَّمَۃِ لَا یُخْتَلَفُ فِي تَحْرِیْمِہٖ۔ وَأَمَّا مَا ابْتَدَعَہُ الصُّوْفِیَّۃُ فِي ذٰلِکَ فَمِنْ قَبِیْلِ مَالَا یُخْتَلَفُ فِي تَحْرِیْمِہٖ۔‘‘[1] ’’ان کا یہ فرمانا’’وہ دونوں [بچیاں ]گانے والی نہ تھیں۔‘‘ یعنی وہ معروف گانے والی عورتوں کی طرح گانے سے آشنا نہ تھیں۔ اس طرح انہوں [عائشہ رضی اللہ عنہا]نے مشہور گانے سے احتراز کیا ہے اور گانا وہ ہوتا ہے جو ساکن کو حرکت دیتا ہے، مخفی جذبات کو اُبھارتا ہے اور جب یہ شعر کی صورت میں ہو اور اس میں عورتوں کے محاسن، شراب اور ان ایسی دیگر ممنوعہ باتیں ہوں،تو اس کی حرمت میں کوئی اختلاف نہیں اور اس سلسلے میں جو کچھ صوفیوں نے ایجاد کیا ہے، وہ بھی اسی قسم سے ہے،جس کی حرمت میں کوئی اختلاف نہیں۔‘‘ ۳۔ آنحضرت صلی اللہ علیہ وسلم کے سامنے فاروق رضی اللہ عنہ کا احتساب کرنا: حضرات ائمہ عبدالرزاق، احمد اور ابو یعلیٰ رحمہم اللہ تعالیٰ نے نبی کریم صلی اللہ علیہ وسلم کے صحابہ میں سے ایک شخص سے روایت نقل کی ہے کہ: ’’ أَنَّ رَسُوْلَ اللّٰہِ صلی اللّٰه علیہ وسلم صَلَّی الْعَصْرَ، فَقَامَ رَجُلٌ یُصَلِّيْ، فَرَآہُ عُمَرُ رضی اللّٰه عنہ، فَقَالَ لَہُ:’’ اِجْلِسْ، فَإِنَّمَا ھَلَکَ أَھْلُ الْکِتَابِ أَ نَّہٗ لَمْ یَکُنْ لِصَلَاتِھِمْ فَصْل‘‘۔ فَقَالَ رَسُوْلُ اللّٰہِ صلی اللّٰه علیہ وسلم :’’ أَحْسَنَ ابْنُ الْخَطَّابِ‘‘۔[2]

[1] ملاحظہ ہو:فتح الباري ۲/۴۴۲۔ [2] المصنف، کتاب الصلاۃ، با ب الساعۃ التي یکرہ فیھا الصلاۃ، رقم الحدیث ۳۹۷۳؛ والمسند، رقم الحدیث ۲۳۱۲۱؛ ۳۸/۲۰۲(ط:مؤسسۃ الرسالۃ) ؛ومسند أبی یعلی الموصلي، مسند تمیم الداري رضی اللّٰه عنہ، ۳/(۷۱۶۶)، ۱۳/۱۰۷۔ الفاظ حدیث مسند الإمام أحمد کے ہیں۔ حافظ ہیثمی نے اس حدیث کے بارے میں لکھا ہے:’’ اس کو احمد اور ابو یعلیٰ نے روایت کیا ہے، اور احمد کے [روایت کرنے والے صحیح کے روایت کرنے والے ہیں ]۔‘‘۔مجمع الزوائد ۲/۲۳۴) ؛ شیخ ارناؤوط اور ان کے رفقاء نے المسند کی [اسناد کو صحیح]قرار دیا ہے۔ (ھامش المسند۳۸/۲۰۲؛مسند أبی یعلیٰ کی اسناد کو بھی اس کے فاضل محقق نے [صحیح]قرار دیا ہے۔ (ملاحظہ ہو:ھامش مسند أبی یعلیٰ الموصلي ۱۳/۱۰۷)۔