نبی کریم صلی اللہ علیہ وسلم بحیثیت معلم

(28) سوال سے زیادہ جواب ہمارے نبی کریم صلی اللہ علیہ وسلم سوال کرنے والے کی حاجت اور ضرورت کو مدِ نظر رکھتے ہوئے پوچھی گئی بات سے بسا اوقات زیادہ بھی بتا دیا کرتے تھے۔ آپ صلی اللہ علیہ وسلم کا یہ مبارک طریقہ آپ کے عظیم علم، امت کے لیے کمال خیر خواہی اور تعلیم و تزکیہ کی شدید خواہش پر دلالت کناں ہے۔ اس سلسلے میں ذیل میں توفیق الٰہی سے چار شواہد پیش کیے جا رہے ہیں : ۱۔ سمندری پانی سے وضو کے سائل کو مردار سمندرکا حکم بتانا: حضرات ائمہ احمد، ابو داؤد، ترمذی، نسائی اور ابن ماجہ رحمہم اللہ تعالیٰ نے حضرت ابوہریرہ رضی اللہ عنہ سے روایت نقل کی ہے کہ وہ بیان کرتے ہیں : ’’ سَأَلَ رَجُلٌ رَسُوْلَ اللّٰہِ صلی اللّٰه علیہ وسلم فَقَالَ:’’ یَا رَسُوْلَ اللّٰہ! إِنَّا نَرْکَبُ الْبَحْرَ، وَنَحْمِلُ مَعَنَا الْقَلِیْلَ مِنَ الْمَائِ، فَإِنْ تَوَضَّأْنَا بِہٖ عَطِشْنَا، أَفَنَتَوَضَّأُ بِمَائِ الْبَحْرِ؟‘‘۔ فَقَالَ رَسُوْلُ اللّٰہُ صلی اللّٰه علیہ وسلم :’’ھُوَ الطَّھُوْرُ مَاؤُہٗ، وَالْحِلُّ مَیْتَتُہ‘‘۔[1]

[1] المسند ۲/۳۶۱ (ط:المکتب الاسلامي) ؛ وسنن أبی داود، کتاب الطہار، باب الوضوء بماء البحر، رقم الحدیث ۸۳، ۱/۱۰۶ ؛ وجامع الترمذي، أبواب الطہارۃ، باب ما جاء في ماء البحر أنہ طہور، رقم الحدیث ۶۹، ۱/۱۸۷۔۱۸۸؛ وسنن النسائي، کتاب المیاہ،الوضوء بماء البحر، ۱/۱۷۶؛ وسنن ابن ماجۃ، أبواب الطہارۃ، باب الوضوء بماء البحر، رقم الحدیث ۴۰۰، ۱/۷۶۔ الفاظ حدیث سنن أبی داود کے ہیں۔ امام ترمذی نے اس حدیث کو [حسن صحیح]اور شیخ البانی نے [صحیح]قرار دیا ہے۔ (ملاحظہ ہو:جامع الترمذي۱/۱۹۲، وصحیح سنن أبی داود ۱/۱۹)۔