نبی کریم صلی اللہ علیہ وسلم بحیثیت معلم

۳۔ لمبی اُمیدوں اور قرب موت کا لکڑیاں گاڑ کر بیان: امام احمد اور امام بغوی رحمہما اللہ تعالیٰ نے حضرت ابو سعید الخدری رضی اللہ عنہ سے روایت نقل کی ہے کہ : ’’ أَنَّ النَّبِّيَّ صلی اللّٰه علیہ وسلم غَرزَ عُوداً بَیْنَ یَدَیْہِ، وَآخَرَ إِلیٰ جَنْبِہٖ، وَآخَرَ أَبْعَدَ، فَقَالَ:’’ أَ تَدْرُوْنَ مَا ھٰذا؟‘‘۔ قَالُوْا:’’ اَللّٰہُ وَرَسُوْلُہ أَعْلَمُ‘‘۔ قَالَ:’’ ھٰذَا الْإِنْسَانُ، وَھٰذا الْأَجَلُ۔أَراہُ قَالَ۔:’’وَھٰذَا الْأَمَلُ، فَیَتَعَاطَی الْأَمَلُ، فَلَحِقَہُ الْاَجَلُ دُوْنَ الْأَمَلِ‘‘۔[1] ’’نبی صلی اللہ علیہ وسلم نے ایک چھڑی اپنے سامنے گاڑی، دوسری اس کے پہلو میں اور تیسری زیاد ہ دور۔ پھر فرمایا:’’ کیا تم جانتے ہو کہ یہ کیا ہے؟ انہوں نے عرض کیا :’’ اللہ تعالیٰ اور اس کے رسول صلی اللہ علیہ وسلم زیادہ جانتے ہیں۔‘‘ آپ صلی اللہ علیہ وسلم نے فرمایا:’’ یہ انسان ہے اور یہ موت ہے۔ میرا خیال ہے کہ آپ صلی اللہ علیہ وسلم نے فرمایا:[2]اور یہ آرزو ہے اور وہ آرزو کے پانے کی کوشش میں ہے۔ لیکن آرزو [ کے حصول ] سے پہلے ہی موت اس کوآ پہنچتی ہے۔‘‘

[1] المسند(ط:المکتب الإسلامي)۳/۱۸؛ وشرح السنۃ، کتاب الرقاق، باب طول الأمل والحرص، رقم الحدیث ۴۰۹۲،۱۴/۲۸۵؛ الفاظ حدیث شرح السنہ کے ہیں۔ شیخ ارناؤوط نے اس کے بارے میں تحریر کیا ہے کہ اس کے روایت کرنے والے ثقہ ہیں، احمد نے [بھی]اس کو روایت کیا ہے اور اس کی[اسناد حسن]ہے۔ (ملاحظہ ہو:ھامش شرح السنۃ۱۴/۲۸۵)۔ [2] یہ الفاظ راوی حدیث نے اپنے تردد کے اظہار کی خاطر ذکر کیے۔