نبی کریم صلی اللہ علیہ وسلم بحیثیت معلم

’’ خَطَّ النَّبِيُّ صلی اللّٰه علیہ وسلم خَطًّا مُرَبَّعاً، وَخَطَّ خَطًّا فِي الْوَسَطِ خَارِجًا مِنْہُ، وَخَطَّ خُطَطًا صِغَارًا إِلیٰ ھٰذا الَّذِيْ فِي الْوَسَطِ مِنْ جَانِبِہِ الَّذِيْ فِي الْوَسَطِ، فَقَالَ:’’ ھٰذَا الْإِنْسَانُ، وَھٰذَا أَجَلُہٗ مُحِیْطٌ بِہٖ ــــ أَوْ قَدْ أَحَاطَ بِہٖ ــــ وَھٰذَا الَّذِيْ ھُوَ خَارِجٌ أَمَلُہٗ، وَھٰذِہِ الْخُطَطُ الصِّغَارُ الْأَعْرَاضُ، فَإِنْ أَخْطَأَہُ ھٰذا نَھَشَہٗ ھٰذَا، وَإِنْ أَخْطَأَہٗ ھٰذَا نَھَشَہٗ ھٰذَا‘‘۔[1] ’’ نبی صلی اللہ علیہ وسلم نے ایک مربع شکل بنائی اور اس کے درمیان ایک خط کھینچا جو اس سے نکلا ہوا تھا اور [ اس کے بعد] اس [مربع شکل ]کے درمیانی خط کی طرف چھوٹے چھوٹے خطوط کھینچے اور فرمایا:’’ یہ انسان ہے، اور یہ اس کی موت اس کو گھیرے ہوئے ہے۔ یا بلاشک و شبہ اس کا احاطہ کر چکی ہے۔[2] اور یہ باہر نکلا ہوا [ خط ] اس کی آرزو ہے۔ اور یہ چھوٹے چھوٹے خطوط مصائب ہیں، پس اگر وہ ایک سے بچ نکلتا ہے تو دوسری میں پھنس جاتا ہے اور دوسری سے نکلتا ہے تو تیسری میں گرفتار ہو جاتا ہے۔ ‘‘ اس حدیث شریف سے یہ بات واضح ہے کہ نبی کریم صلی اللہ علیہ وسلم نے انسانی آرزوؤں کی درازی اور انسان کے مسلسل مصائب اور موت کی گرفت میں ہونے کو ایک شکل بنا کر حضرات صحابہ کو سمجھایا۔ امام طیبی نے حدیث شریف میں بیان کردہ شکل اس طرح بنائی ہے:

[1] صحیح البخاري، کتاب الرقاق، باب في الأمل وطولہ، رقم الحدیث ۶۴۱۷، ۱۱/ ۲۳۵۔ ۲۳۶۔ [2] راوی کوتردد ہے کہ آنحضرت صلی اللہ علیہ وسلم نے یہ جملہ ارشاد فرمایا یا سابقہ جملہ فرمایا۔ دونوں جملوں کا مفہوم ایک جیسا ہے۔