نبی کریم صلی اللہ علیہ وسلم بحیثیت معلم

اور تفسیرسکھا دیجیے۔‘‘ اس حدیث شریف سے واضح ہے کہ آنحضرت صلی اللہ علیہ وسلم نے اپنے ننھے شاگرد کے شانے پر اپنا دستِ مبارک رکھا۔ حدیث شریف میں فائدہ دیگر: حدیث شریف سے یہ بھی واضح ہے کہ آنحضرت صلی اللہ علیہ وسلم نے اپنے شاگرد کے لیے دعا فرمائی۔ تألیف قلب اور شاگرد کی حوصلہ افزائی میں دعا کی اہمیت چنداں محتاج بیان نہیں۔[1] ۶۔ابو محذورہ رضی اللہ عنہ کے سر کو چھونا: امام ابوداو د رحمہ اللہ تعالیٰ نے حضرت ابو محذورہ رضی اللہ عنہ سے روایت نقل کی ہے کہ انہوں نے بیان کیا : ’’ قُلْتُ:’’ یَا رَسُوْلَ اللّٰہ! عَلِّمْنِيْ سُنَّۃَ الْأَذَانِ‘‘ قَالَ:’’ فَمَسَحَ مُقَدَّمَ رَأْسِيْ۔ قَالَ:’’ تَقُوْلُ:اَللّٰہُ أَکْبَرُ اَللّٰہُ أَکْبَرُ۔ اَللّٰہُ أَکْبَرُ اَللّٰہُ أَکْبَرُ۔‘‘[2] ’’ میں نے عرض کیا:’’ یا رسول اللہ صلی اللہ علیہ وسلم ! مجھے مسنون اذان سکھا دیجیے۔‘‘ انہوں نے بیان کیا :’’ پس آپ صلی اللہ علیہ وسلم نے میرے سر کے اگلے حصے کو چھؤا، ( اور ) فرمایا:’’ تم کہو :’’اللّٰه اکبر، اللّٰه اکبر، اللّٰه اکبر اللّٰه اکبر …الحدیث ‘‘ اس حدیث شریف سے واضح ہے کہ آپ صلی اللہ علیہ وسلم نے تعلیم اذان کے وقت حضرت ابومحذورہ رضی اللہ عنہ کے سر کے اگلے حصے کو مس فرمایا۔

[1] اس سلسلے میں تفصیل کتاب ھذا کے صفحات ۱۴۴۔۱۵۰ پر ملاحظہ فرمائیے۔ [2] سنن أبی داود، کتاب الصلاۃ، باب کیف الأذان، رقم الحدیث۵۰۰، ۲/۱۲۵۔ شیخ البانی نے اس حدیث کو [صحیح]قرار دیا ہے۔(ملاحظہ ہو:صحیح سنن أبی داود۱/۱۰۰)۔