نبی کریم صلی اللہ علیہ وسلم بحیثیت والد

آنحضرت صلی اللہ علیہ وسلم نے اس سے زیادہ کچھ نہ فرمایا۔ حضرت علی رضی اللہ عنہ ان انصاری لوگوں کے پاس گئے ، جو ان کا انتظار کر رہے تھے۔ انہوں نے پو چھا: ’’ مَا وَرَائَ کَ؟ ‘‘ ’’آپ کے پیچھے کیا ہے؟ ‘‘([1]) انہوں نے کہا: ’’ مَا أَدْرِيْ غَیْر أَنَّہُ قَالَ لِيْ : ’’مَرْحَبًا وَّ أَھْلًا ۔‘‘ ’’ مجھے (کچھ) پتہ نہیں، سوائے اس بات کے ، کہ بے شک آپ صلی اللہ علیہ وسلم نے مجھ سے فرمایا: ’’مَرْحَبًا وَّ أَھْلًا‘‘ انہوں نے کہا: ’’ یَکْفِیْکَ مِنْ رَسُوْلِ اللّٰہِ صلی اللّٰه علیہ وسلم إِحْدَاھُمَا ، أَعْطَاکَ الْأَھْلَ أَعْطَاکَ الْمَرْحَبَ۔‘‘([2]) ’’رسول اللہ صلی اللہ علیہ وسلم کی جانب سے تو آپ کے لیے ان دونوں میں سے ایک (ہی ) کافی ہے ۔ آنحضرت صلی اللہ علیہ وسلم نے تو آپ کو أھلًا اور مَرْحَبًا دونوں ہی عطا فرمائے ہیں۔‘‘

[1] یعنی کیا کرکے واپس آئے ہو؟ [2] الطبقات الکبریٰ ، ۸؍۲۱ ؛ و کتاب عمل الیوم واللیلۃ للحافظ ابن السُّنّی ، باب ما یقول الرجل لمن یخطب إلیہ، رقم الحدیث ۶۰۵ ، ۲۱۳ ۔ ۲۱۴؛ ومجمع الزوائد، کتاب المناقب ، باب منہ في فضلھا و تزویجھا بعلي رضی اللّٰه عنہما ، ۹؍ ۲۰۹۔ الفاظِ حدیث الطبقات الکبریٰ کے ہیں۔ حافظ ہیثمی لکھتے ہیں: اسے طبرانی نے روایت کیا ہے اور بزار نے بھی قریب قریب انہی الفاظ کے ساتھ روایت کیا ہے۔ ان دونوں کے راویان سوائے عبدالکریم بن سلیط کے [صحیح کے روایت کرنے والے] ہیں، اور ابن حبان نے انہیں [ ثقہ] قرار دیا ہے۔ (ملاحظہ ہو: المرجع السابق ۹؍۲۰۹ ) ؛ شیخ البانی نے اس کی [سند کو حسن] کہا ہے ۔ (ملاحظہ ہو: آداب الزفاف ص ۱۰۲)۔