نبی مصطفٰی محمد صلی اللہ علیہ وسلم کی جامع سیرت

کی پیشانی تو پکڑے ہوئے ہے۔ اے اللہ ! تو ہی اوّل ہے، پس تجھ سے پہلے کوئی چیز نہیں۔ تو ہی آخر ہے پس تیرے بعد کوئی چیز نہیں۔ تو ہی ظاہر ہے پس تجھ سے اوپر کوئی چیز نہیں اور تو ہی باطن ہے پس تیرے ورے کوئی چیز نہیں۔ مجھ سے قرض ادا کر دے اور ہمیں فقر سے غنی کر دے۔‘‘ ٭ ((أَللّٰھُمَّ قِنِيْ عَذَابَکَ یَوْمَ تَبْعَثُ عِبَادَکَ۔))[1](تین بار) ’’ اے اللہ!مجھے اپنے عذاب سے بچا جس دن تو اپنے بندوں کو جمع کرے گا۔‘‘ ۹: ((أَللّٰھُمَّ أَنْتَ خَلَقْتَ نَفْسِيْ وَأَنْتَ تَتَوَفَّاھَا، لَکَ مَمَاتُھَا وَمَحْیَاھَا، إِنْ أَحْیَیْتَھَا فَاحْفَظْھَا وَإِنْ أَمَتَّھَا فَاغْفِرْلھَا، أَللّٰھُمَّ إِنِّيْ أَسْأَلُکَ الْعَافِیَۃَ))[2](ایک بار) ’’ اے اللہ ! تو نے ہی میری جان پیدا کی۔ تو ہی اسے فوت کرے گا۔ تیرے ہی لیے اس کی موت اور زندگی ہے۔ اگرتو اسے زندہ رکھے تو اس کی حفاظت کر اور اگر اسے موت دے تو اسے بخش دے۔ اے اللہ! میں تجھ سے عافیت کا سوال کرتا ہوں۔‘‘ س:۱۷۶… اُس شخص کے بارے میں کیا حکم ہے کہ جسے خاتم المرسلین، نبی کریم محمد رسول اللہ صلی اللہ علیہ وسلم کے بارے میں علم ہوجائے اور وہ آپ صلی اللہ علیہ وسلم کے متعلق سن لے کہ محمد صلی اللہ علیہ وسلم اللہ کے سچے پیغمبر ہیں، نہ ایمان لائے اور نہ اتباع کرے؟ اس پر دلیل پیش کریں ؟ ج:۱۷۶… سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ((وَالَّذِيْ نَفْسُ مُحَمَّدٍ بِیَدِہٖ لَا یَسْمَعُ بِيْ أَحَدٌ مِنْ ھٰذِہِ الْأُمَّۃِ یَھُوْدِيٌّ وَّلَا نَصْرَانِيٌّ ثُمَّ یَمُوْتُ وَلَمْ یُؤْمِنْ بِالَّذِيْ أُرْسِلْتُ بِہٖ إِلَّا کَانَ مِنْ أَصْحَابِ النَّارِ۔))[3]

[1] سنن أبی داؤد / کتاب الأدب ، ح: ۵۰۴۵۔ [2] صحیح مسلم / کتاب الذکر والدعاء ، ح: ۶۸۸۸۔ [3] رواہ مسلم/ کتاب الایمان، ح:۳۸۶۔