نبی مصطفٰی محمد صلی اللہ علیہ وسلم کی جامع سیرت

لیے پڑھائی، لکھائی کی تعلیم پر حرص و طمع کی دلیل معلوم ہوتی ہے کہ اس کے لیے آپ کو کتنی طمع تھی۔ س:۱۱۳… جنگ بدر میں مشرکین مکہ میں سے کتنے آدمی مقتول ہوئے تھے؟ اسی طرح جنگ اُحد میں بتلائیے کہ مسلمان مجاہدین کتنے شہید ہوئے تھے؟ ج:۱۱۳… غزوۂ بدر الکبریٰ میں کفار و مشرکین مکہ کے کل ستر آدمی مقتول ہوئے جبکہ جنگ اُحد میں مسلمانوں کے بھی اتنے ہی(یعنی ستر صحابہ کرام رضوان اللہ علیہم اجمعین)افراد شہید ہوئے تھے۔ س:۱۱۴… درج ذیل غزوات کے متعلق بتلائیے کہ:کون کون سے مہینے، تاریخوں اور کون کون سے سال میں ہوئے تھے؟(۱)غزوۂ بدر الکبریٰ،(۲)جنگ اُحد،(۳)جنگ خندق،(۴)غزوۂ خیبر،(۵)فتح مکہ،(۶)جنگ حنین اور(۷)جنگ تبوک۔ ج:۱۱۴… غزوۂ بدرالکبریٰ:… بروز جمعہ سترہ(۱۷)رمضان المبارک سنہ ۲ ہجری میں ہوئی۔ جنگ اُحد:… بروز ہفتہ ۱۵ ماہ شوال سنہ ۳ ہجری میں۔ غزوۂ خندق:… ماہ شوال سنہ ۵ ہجری میں۔ جنگ خیبر:… ماہ محرم سنہ ۷ ہجری میں۔ فتح مکہ کا غزوہ:… ۱۹/ رمضان المبارک سنہ ۸ ہجری میں۔ جنگ حنین:… شوال سنہ ۸ ہجری میں(فتح مکہ کے متصل بعد) اور جنگ تبوک:… ماہ رجب سنہ ۹ ہجری میں(اور یہ نبی مکرم صلی اللہ علیہ وسلم کا آخری غزوہ تھا۔) س:۱۱۵… غزوۂ اُحد کے لیے نبی معظم صلی اللہ علیہ وسلم کے ہمراہ مدینہ منورہ سے نکلنے والے مسلمانون کی تعداد کتنی تھی؟ اور مدمقابل مشرکین کی تعداد کتنی تھی؟ ج:۱۱۵… رسول اللہ صلی اللہ علیہ وسلم کے ساتھ غزوہ کے لیے اُحد پہاڑ کے دامن میں پہنچنے